Ijoo Gabaasa Tajaajilaa

Dhuma jiʼa Muddeetti lakkoofsa babalʼistootaa haaraa (9,250) fi qajeelchitootaa (1,592) arganneerra. Yeroo ammaatti babalʼistoota shan keessaa tokko qajeelchaa ykn qajeelchaa addaa akka taʼan beekuun keenya baayʼee nu gammachiisa. Kana malees, baayʼeen keessan jiʼa Bitootessaatti qajeelchaa gargaaraa taʼuudhaan gammachuu akka argattan hin shakkisiisu. Kunis hojiin Mootummichaa ija akka godhatuufi Yihowaan ulfina akka argatu godheera! Gara fuulduraattimmoo, duula addaa naannoo tajaajilaa keenyarratti hojjetamuufi Ayyaana Yaadannoo wajjin haala wal qabateen sochii godhamuun buʼaa argamu arguuf hawwii guddaadhaan eegna. Carraaqqii addaa yommuu gootan kanatti namoota fedhii argisiisan sirriitti hordoftanii akka gargaartan isin jajjabeessina.