Ijoo Gabaasa Tajaajilaa
Jiʼa Guraandhalaattis duulli addaa haala gaariidhaan raawwatamuusaa itti fufee ture. Obboloonni 60 ol taʼan, biyyoota fagoodhaa dhufanii nu gargaaruusaaniitti baayʼee gammanneerra. Biyyuma keessaammoo obboloonni 500 ol taʼan kan isaan gargaaran siʼa taʼu, yoo xinnaate naannoo 169tti tajaajilaniiru. Naannolee kana keessaa tokko tokkotti misiraachichi kan lallabame yeroo jalqabaatiif ture. Kunimmoo Qayyabannaan Macaafa Qulqulluu 7,765 akka gabaasa godhamu gumaacha kan godhe siʼa taʼu, kunis Ebla 2013 asitti lakkoofsa isa guddaadha. Hundi keessan namoota fedhii qaban hordoftanii gargaaruurratti dhimmitanii akka hojjettaniifi hojii bartoota gochuurratti akka hirmaattan isin jajjabeessina.