LAAYIBRARII INTARNEETIIRRAA
Masaraa Eegumsaa
LAAYIBRARII INTARNEETIIRRAA
Afaan Oromoo
  • KITAABA QULQULLUU
  • BARREEFFAMOOTA
  • WALGAʼIIWWAN
  • g18 Lakk. 2 ful. 7
  • 4 Dhiifama Gochuu

Filannoo kanaaf viidiyoon qophaaʼe hin jiru.

Dhiifama, viidiyicha taphachiisuun hin dandaʼamne.

  • 4 Dhiifama Gochuu
  • Dammaqaa!—2018
  • Mata Dureewwan Xixiqqaa
  • Mata Dureewwan Yaada Wal Fakkaataa Qaban
  • MAAL JECHUUDHA?
  • BARBAACHISAA KAN TAʼE MAALIIFI?
  • WANTA GOCHUU DANDEESSU
  • Dhiifama Gochuun Kan Danda’amu Akkamitti?
    Dammaqaa!—2013
  • Dhiifama Gochuu Jechuun Maal Jechuu Dha?
    Deebii Gaaffii Kitaaba Qulqulluu
  • Dhiifama Gochuudhaan Fakkeenya Yihowaa Hordofuu kan Dandeessu Akkamitti?
    Masaraa Eegumsaa Mootummaa Yihowaa Beeksisu (Maxxansa Qayyabannaa)—2025
  • Waliif Dhiisaa
    Masaraa Eegumsaa Mootummaa Yihowaa Beeksisu—2012
Dabalataan Ilaaluuf
Dammaqaa!—2018
g18 Lakk. 2 ful. 7
Hiriyoota gaaʼela ibidda dhaamsuuf waliin hojjetan

Dhiifama gochuun ibidda walitti dhabiinsaan uumame dhaamsa

HIRIYOOTA GAAʼELAATIIF

4 Dhiifama Gochuu

MAAL JECHUUDHA?

Dhiifama gochuu jechuun, wanta nu aarsee fi haaloo akka qabannu nu taasisee dhiisuu jechuudha. Dhiifama goona jechuun dogoggora raawwatame xiqqeessinee ykn akka hin raawwatamnetti ilaalla jechuu miti.

QAJEELFAMA KITAABA QULQULLUU: “Namni tokko sababii nama kan biraa itti komatu yoo qabaate illee, wal dandaʼuu fi tola waliif dhiisuu keessan itti fufaa.”—Qolosaayis 3:13.

“Nama tokko yommuu jaallattu hirʼina isaarratti utuu hin taʼin, fooyyaʼiinsa gochuuf carraaqqii inni godhurratti xiyyeeffatta.”—Aaron.

BARBAACHISAA KAN TAʼE MAALIIFI?

Akkuma mufattetti yoo itti fufte, karaa qaamaa fi miiraa of miita; gaaʼela kees miidhuu dandeessa.

“Yeroo tokko abbaan manaa koo wanta baayʼee na miidhe tokkoof dhiifama na gaafate. Dhiifama isaaf gochuun baayʼee natti ulfaatee ture. Booda garuu dhiifama godheera; taʼus dafee akkas gochuu dhiisuu kootti nan gaabbe. Hariiroo keenyarratti dhiibbaa hin barbaachisne geessiseera.”—Juuliyaa.

WANTA GOCHUU DANDEESSU

OF QORI

Yeroo itti aanutti wanta hiriyaan gaaʼelaa kee dubbate ykn raawwateen yommuu miidhamtu akkana jedhii of gaafadhu:

  • ‘Ani nama dafee aarudhaa?’

  • ‘Wanti na mufachiise baayʼee cimaa taʼuu isaatiin kan kaʼe dhiifama gaafatamuun qaba, moo akkasumatti bira darbuu nan dandaʼa?’

HIRIYAA GAAʼELAA KEE WALIIN MARIʼADHU

  • Yeroo baayʼee dhiifama waliif gochuuf yeroo hammamii nutti fudhata?

  • Dafnee dhiifama waliif gochuuf maal gochuu dandeenya?

GORSA GAARII

  • Yommuu mufattu, hiriyaan gaaʼelaa kee taʼe jedhee wanta sana akka raawwate gootee hin yaadin.

  • ‘Hundi keenya yeroo baayʼee akka gufannu’ yaadachuudhaan gocha hiriyaa gaaʼelaa keetii bira darbuuf yaali.—Yaaqoob 3:2.

“Lamaan keenyayyuu yommuu balleessaa qabaannutti dhiifama gochuun salphaadha; balleessaan kan nama tokkoo qofa yeroo fakkaatutti garuu ulfaataa taʼa. Dhiifama yommuu gaafatamtan dhiifama gochuun gad of qabuu gaafata.”—Kiimbarlii.

QAJEELFAMA KITAABA QULQULLUU: “Dafiitii dhimmichaaf furmaata kenni.”—Maatewos 5:25.

Akkuma mufattetti yoo itti fufte, karaa qaamaa fi miiraa of miita; gaaʼela kees miidhuu dandeessa

    Barreeffamoota Afaan Oromoo (1993-2025)
    Baʼi
    Gali
    • Afaan Oromoo
    • Ergi
    • Filannoowwan
    • Copyright © 2025 Watch Tower Bible and Tract Society of Pennsylvania
    • Walii Galtee
    • Imaammata Mateenyaa
    • Filannaa Dhuunfaa
    • JW.ORG
    • Gali
    Ergi