KUTAA 4

Seexana Dhagaʼuunsaanii Rakkina Akkamii Fide?

Addaamiifi Hewwaan Waaqayyoof waan hin abboomamneef duʼaniiru. Uumama 3:6, 23

Hewwaan ija mukaa dhoowwame irra erga nyaattee booda Addaamiif yommuu kennitu

Hewwaan wanta bofni jedhe dhageessee ija mukaa sanarraa nyaatte. Addaamiifis kan kennite siʼa taʼu, innis ni nyaate.

Addaamii fi Hewwaan jannata keessaa yommuu ba’an

Wanti isaan raawwatan kun dogoggora, jechuunis cubbuu ture. Kanaaf Waaqayyo Jannata keessaa isaan ariʼe.

Addaamii fi Hewwwaan yeroo dulloomanii fi du’an

Sana booda isaaniifis taʼe ijoolleesaaniitiif jireenyi ulfaataa taʼe. Boodas dulloomanii duʼan. Yeroo duʼan jireenyaa ala taʼani malee, gara addunyaa hafuuraa hin dhaqne.

Namoonni duʼan biyyoo taʼu. Uumama 3:19

Namoota aadaa garaa garaa qabanii fi bara adda addaa keessa jiraatan

Hundi keenya sanyii Addaamiifi Hewwaan waan taaneef ni duuna. Namoonni duʼan ilaaluu ykn dhagaʼuu ykn waa gochuu hin dandaʼan.—Lallaba 9:5, 10.

Yihowaan namoonni akka duʼan hin barbaadu. Kanaaf, yeroo dhihootti namoota duʼan duʼaa ni kaasa. Namoonni kun yoo isa dhaggeeffatan barabaraaf jiraatu.