LAAYIBRARII INTARNEETIIRRAA
Masaraa Eegumsaa
LAAYIBRARII INTARNEETIIRRAA
Afaan Oromoo
  • KITAABA QULQULLUU
  • BARREEFFAMOOTA
  • WALGAʼIIWWAN
  • lfb barumsa 100 ful. 232-ful. 233 key. 2
  • Phaawulos, Siilaasii fi Ximotewos

Filannoo kanaaf viidiyoon qophaaʼe hin jiru.

Dhiifama, viidiyicha taphachiisuun hin dandaʼamne.

  • Phaawulos, Siilaasii fi Ximotewos
  • Barumsa Kitaaba Qulqulluu Irraa Barachuu Dandeessu
  • Mata Dureewwan Yaada Wal Fakkaataa Qaban
  • Ximotewos Tajaajiluuf Fedhiidhaan Of Qopheessee Ture
    Masaraa Eegumsaa Mootummaa Yihowaa Beeksisu—2008
  • Ximotewos Namoota Gargaaruu Barbaada Ture
    Ijoollee Keessan Barsiisaa
  • Gargaaraa Phaawulos Isa Haaraa Kan Ta’e Ximotewos
    Kitaaba koo Isaan Seenaa Macaafa Qulqulluu Ittiin Baradhu
  • Dargaggootaa Galmawwan Waaqayyoof Ulfina Fidan Hordofaa
    Masaraa Eegumsaa Mootummaa Yihowaa Beeksisu—2007
Dabalataan Ilaaluuf
Barumsa Kitaaba Qulqulluu Irraa Barachuu Dandeessu
lfb barumsa 100 ful. 232-ful. 233 key. 2
Phaawulos, Siilaasii fi Ximotewos

BARUMSA 100

Phaawulosii fi Ximotewos

Ewunqee , Looyisii fi Ximotewos yeroo mucaa xinnoo turetti

Ximotewos obboleessa dargaggeessa gumii Lisxiraa keessa jiraatu ture. Abbaan isaa nama Giriikii, haati isaa immoo nama Yihudii turan. Haati isaa Ewunqee fi akkoon isaa Looyis ijoollummaa isaatii jalqabanii waaʼee Yihowaa isa barsiisaniiru.

Phaawulos adeemsa lallabaa isaa isa marsaa lammaffaa irratti yommuu Lisxiraa daawwatu, Ximotewos obbolootaaf jaalala guddaa akka qabuu fi isaan gargaaruuf hawwii akka qabu hubate. Phaawulos, adeemsa isaa kana irratti Ximotewos isaa wajjin akka deemu isa affeere. Yeroo waliin turan hundatti Phaawulos Ximotewos barsiisaa fi lallabaa misiraachichaa isa gaarii akka taʼuuf isa leenjiseera.

Phaawulosii fi Ximotewos bakka dhaqaan hundaatti hafuurri qulqulluun isaan geggeessa ture. Gaaf tokko galgala, mulʼataan namni tokko Phaawulos gara Maqedooniyaa dhaqee akka isaan gargaaru isa gaafate. Kanaaf, Phaawulos, Ximotewos, Siilaasii fi Luqaas lallabuu fi gumiiwwan hundeessuuf achi dhaqan.

Magaalaa Tasalonqee ishii Maqedooniyaatti argamtu keessaa dhiironnii fi dubartoonni baayʼeen Kiristiyaanota taʼan. Haa taʼu malee, Yihudoonni tokko tokko Phaawulosii fi namoota hidhata isaa taʼanitti hinaafan. Namoota isaan irratti kaasan; achiis obboloota lafa irra harkisanii gara bulchitoota magaalattiitti geessuudhaan, ‘Namoonni kun diinota mootummaa Roomaa ti!’ jedhanii iyyan. Phaawulosii fi Ximotewos balaadhaaf waan saaxilamaniif, halkaniin gara Beeriyaatti baqatan.

Namoonni Beeriyaa misiraachicha barachuuf fedhii guddaa waan qabaniif, Giriikonnii fi Yihudoonni achi jiraatan amantoota taʼan. Haa taʼu malee, Yihudoonni tokko tokko Tasalonqeedhaa dhufanii jeequmsa waan isaan irratti kaasaniif Phaawulos gara Ateenaa dhaqe. Ximotewosii fi Siilaas garuu obboloota jajjabeessuuf Beeriyaatti hafan. Yeroo booda, Phaawulos obboloota ariʼatamni cimaan isaan irra gaʼaa jiru akka gargaaruuf Ximotewosiin deebisee gara Tasalonqeetti erge. Boodas, gumiiwwan hedduu kan biraa akka daawwatuu fi akka jajjabeessuuf isa ergeera.

Phaawulos yeroo mana hidhaatti fuuncaadhaan hidhamee eegamaa turetti, Ximotewos xalayaa akka barreessu yommuu itti himu

Phaawulos Ximotewosiin, ‘Namoonni Yihowaa tajaajiluu barbaadan ni ariʼatamu’ jedheera. Ximotewos sababii amantii isaatiin ariʼatameera, akkasumas hidhameera. Taʼus, carraa Yihowaadhaaf amanamaa akka taʼe itti argisiisu argachuu isaatti gammadeera.

Phaawulos warra Filiphisiyusiin akkana jedhe: ‘Ani Ximotewosiin gara keessanitti nan erga. Inni dhugaa keessa jiraachuu jechuun maal jechuu akka taʼe isin barsiisa, tajaajilaafis isin leenjisa.’ Phaawulos Ximotewositti amanamuu akka dandaʼu beeka ture. Isaan akka michootaatti waliin hojjetaniiru, waggoota hedduudhaafis waliin tajaajilaniiru.

“Ani nama akka isaatti waaʼee keessan garaadhaa yaadu kan biraa hin qabu. Warri kaan hundi faayidaa Yesuus Kiristoosiif utuu hin taʼin, faayidaa mataa isaaniitiif carraaqu.”—Filiphisiyus 2:20, 21

Gaaffii: Ximotewos eenyu dha? Phaawulosii fi Ximotewos michoota gaarii kan waliif taʼan maaliifi?

Hojii Ergamootaa 16:1-12; 17:1-15; Filiphisiyus 2:19-22; 2 Ximotewos 1:1-5; 3:12, 14, 15; Ibroota 13:23

    Barreeffamoota Afaan Oromoo (1993-2025)
    Baʼi
    Gali
    • Afaan Oromoo
    • Ergi
    • Filannoowwan
    • Copyright © 2025 Watch Tower Bible and Tract Society of Pennsylvania
    • Walii Galtee
    • Imaammata Mateenyaa
    • Filannaa Dhuunfaa
    • JW.ORG
    • Gali
    Ergi