SAANDUQA 20A

Biyyattii Hihiruu

Daangaawwan qixxeetti safaraman ilaalchisee ibsi kenname, biyyi isaanii ishiin jaallatamtuun deebitee akka hundeeffamtu namoota boojiʼamaniif mirkaneesseera. Yeroo harʼaatti mulʼata kana irraa barumsa akkamii arganna? Mee qabiyyee mulʼata kanaa lamaan haa ilaallu:

Akka Hisqiʼel barreessetti kaartaa daangaawwan lafa Yihudoota boojuudhaa deebiʼaniif hihiramee argisiisu. Lafti dhaalaan kennamu kaaba biyyattii irraa jalqabee hamma kibbaatti gosoota 12niif, jechuunis gosa Daan irraa eegalee Asheeriif, Niftaalemiif, Minaaseedhaaf, Efreemiif, Ruubeniif, Yihudaadhaaf, Lafa Buusii Taʼuuf (naannoo bulchiinsaatiif), Biiniyaamiif, Simiʼooniif, Yisaakoriif, Zaabilonii fi Gaadiif qixxeetti kan hiramu taʼa.

Iddoo amansiisaa fi hojii guddaa

Namoonni boojuudhaa deebiʼan hundi Biyyattii Abdachiifamtee fi deebitee hundeeffamtu keessatti dhaala ni qabaatu. Haaluma wal fakkaatuun, yeroo harʼaattis tajaajiltoonni Yihowaa hundi jannata hafuuraa keessatti iddoo qabu. Gaʼeen jaarmiyicha keessatti qabnu hammam iyyuu xinnoo yoo taʼe, biyya hafuuraa keessatti iddoo amansiisaa fi hojii guddaa qabna. Tajaajiltoonni Yihowaa hundi isa biratti wal qixa gatii guddaa qabu.

Dhaala wal qixa taʼe

Mulʼata Hisqiʼel keessatti namoonni naannoo Biyyattii Abdachiifamtee fi deebitee hundeeffamtu hunda keessa jiraatan oomisha biyyattii irraa wal qixa fayyadamu. Haaluma wal fakkaatuun, yeroo harʼaattis Yihowaan tajaajiltoonni isaa hundi eebbawwan jannata hafuuraa irraa wal qixa akka fayyadaman godheera.

Gara boqonnaa 20, keeyyata 5-11tti deebiʼi