Saanduqa Gaaffii

◼ Hojiiwwan gumiitti nuuf kennaman raawwachuu kan qabnu akkamitti?

Gumii saba Yihowaa keessatti wanti tokko sabriidhaan kan raawwatamu walii wajjin carraaqqii waan godhaniifi. (1 Qor. 14:​33, 40) Walga’ii gumii tokko qofaarrattillee maal maal akka hojjetamu yaadi. Walga’icha duraafi boodallee hojii obboloonni hojjetan baay’eetu jira. Hojiiwwan barbaachisoon warri kaan hin argines jiru. Tokkoon tokkoon keenya qophii kana deeggaruu kan dandeenyu akkamitti?

Fedhiidhaan of dhiheessi. Warri fedhiidhaan of dhiheessan hundi waan hojjetan baay’ee qabu. (Far. 110:⁠3) Warra dhukkubsataniifi dulloomaniif akka yaaddu argisiisi. Yeroo Galmi Mootummaa qulqulleeffamu gargaari. Utuu hin gaafatamin hojiiwwan faayidaa qaban baay’ee hojjechuu dandeenya. Gargaarsaaf of dhiheessuu qofatu nu barbaachisa.

Gad of qabuudhaan tajaajili. Namoonni gad of qaban warra kaan tajaajiluun isaan gammachiisa. (Luq. 9:​48) Gad of qabuun waan humna keenyaa ol ta’e ni hojjenna jennee akka hin fudhanne nu godha. Kana malees, itti gaafatamummaan keenya daangaa qabaachuusaa nu yaadachiisa.​​—⁠Fak. 11:⁠2.

Amanamaa ta’i. Museen Israa’el durii keessatti “warra amanaman” filatee hojii akka kennuuf gorfamee ture. (Bau. 18:21) Har’as amalli akkasii kun barbaachisaadha. Hojii sii kenname hundumaa of eeggannoodhaan raawwadhu. (Luq. 16:10) Hojichi raawwachuu kan hin dandeenye yoo ta’e, namni tokko bakka kee ta’ee akka hojjetu qophiin godhamuusaa mirkaneessi.

Hamma dandeessu godhi. Kiristiyaanonni hojii kaanillee taanaan garaa guutuudhaan akka hojjetan gorfamaniiru. (Qol. 3:​22-​24) Waaqeffannaa dhugaa dursuuf yommuu carraaqnummoo akkas gochuuf sababii guddaa qabna. Hojiin nuuf kenname gad aanaa ta’ullee, akka gaaritti yoo hojjetame gumichaaf eebba argamsiisa.

Hojiin nuu kennamu hundinuu jaalala Yihowaafi obboloota keenyaaf qabnu ibsuuf carraa nuu banna. (Mat. 22:​37-​39) Kanaafuu hojiin akkamiiyyuu yoo nuu kenname amanamummaadhaan haa hojjennu.