Meeshaa Haaraa Qorannaa Gochuuf Gargaaru

Babalʼistoonni addunyaa maratti argamaniifi miliyoonaan lakkaaʼaman qorannaa gochuuf, barreeffama Watch Tower Publications Index jedhamutti fayyadamaa turaniiru. Haataʼu malee yaada balʼaa qabatee waan jiruuf, kan qophaaʼe afaanota muraasaan qofa ture. Kanaaf, Barreeffamni Barreeffama Qorannaa Dhugaa Baatota Yihowaa Gargaaruuf Qophaaʼe jedhamu afaanota gara 170 taʼaniin qophaaʼeera. Yaadawwan Barreeffama Qorannaa kanarratti argaman kan fudhataman barreeffamoota bara 2000 asitti qophaaʼanirraati. Barreeffamni Qorannaa kun afaanota duraan Indeeksii qabaniin hin qophoofne; kanaa mannaa bifa elektiroonikiitiin qophaaʼee Laayibrarii Masaraa Eegumsaafi LAAYIBIRARII INTARNEETIIRRAA irratti akka dabalamu godhameera. Barreeffamni Barreeffama Qorannaa jedhamu kun, gaaffiiwwan Macaafa Qulqulluutiif deebii argachuuf, wantoota dhimma dhuunfaa wajjin wal qabatan ilaalchisee odeeffannoo argachuuf, akkasumas walgaʼiiwwan gumiifi waaqeffannaa maatiitiif qophaaʼuuf isin gargaara.