Miira Hoʼaadhaan Isaan Simadhaa

Eenyuun? Namoota haaraas taʼe michoota keenya yeroo dheeraadhaaf walgaʼii gumii irratti argaman hunda miira hoʼaadhaan simachuu qabna. (Rom 15:7; Ibr 13:2) Namni walgaʼii keenya irratti argame hidhata amantii keenya biyya kan biraatii dhufe ykn Kiristiyaana duubatti deebiʼee fi waggoota dheeraa booda yeroo jalqabaatiif walgaʼii keenya irratti argame taʼuu dandaʼa. Haala akkasii keessatti kan argamu utuu isin taʼe, maaltu akka isinitti dhagaʼamuu dandaʼu mee yaadaa. Simannaa hoʼaan utuu isiniif godhamee isin hin gammachiisuu? (Mat 7:12) Kanaaf, walgaʼiin jalqabamuu isaa duraa fi erga xumuramee booda, namoota Galma Mootummaa keenya keessatti argaman naannofnee nagaa gaafachuuf carraaqqii dabalataa maaliif hin goonu? Akkana gochuun keenya walgaʼiin keenya jaalalaa fi miira hoʼaa kan qabu akka taʼu godha; kun immoo Yihowaadhaaf ulfina argamsiisa. (Mat 5:16) Dhugaa dha, namoota walgaʼii irratti argaman hundaa dhuunfaatti haasofsiisuu hin dandeenyu taʼa. Hundi keenya iyyuu carraaqqii kan goonu yoo taʼe, namoonni walgaʼii irratti argaman hundi keessummummaan isaanitti dhagaʼamuu dhiisuu dandaʼa.a

Keessummoota garaadhaa simachuun guyyoota addaa guyyoota akka Ayyaana Yaadannoo irratti qofa utuu hin taʼin yeroo hundaa argisiifamuu kan qabu dha. Namoonni haaraan jaalala Kiristiyaanotaa yommuu ija isaaniitiin arganii fi isaanittis jaalala akkasii yommuu argisiisnu, Waaqayyoon jajachuu fi waaqeffannaa dhugaa irratti nu wajjin hirmaachuuf kakaʼuu dandaʼu.—Yoh 13:35.