BEEKUMSA DUBBII WAAQAYYOO IRRAA ARGAMU | ERMIYAAS 51-52
Wanti Yihowaan Dubbate Hundi ni Raawwatama
Yihowaan wantoota gara fuulduraatti raawwataman sirriitti dubbateera
Abbaa xiyyaa abbaa taayitaa warra Faares
“Xiyya keessan qaradhaa”
Warri Medoonii fi warri Faares xiyya darbachuudhaan kan beekaman siʼa taʼu, iddaa isaanii akka meeshaa waraanaa isa guddaatti itti fayyadamu turan. Xiyya isaanii kan qaratanis, guutummaatti uree akka keessa seenu gochuufi
‘Loltoonni Baabilon loluu dhiisaniiru’
Galmeen Naabooniidas Kiroonikil jedhamu, “Raayyaan waraanaa Qiiros waraana malee gara Baabilonitti seene” jedheera. Kana jechuun walitti buʼiinsa tokko malee jechuu siʼa taʼu, kun immoo raajii Ermiyaas dubbatee wajjin kan wal simu dha
Seenaa Baraa Naabooniidas
‘Baabilon diigamtee in tuulamti; hamma bara baraattis ontee hafti’
Dhaloota Kiristoos Dura bara 539 jalqabee Baabilon ulfina ishii dhabaa deemte. Aleeksaandar Guddichi, Baabiloniin magaalaa isaa ishii guddoo akka taatu gochuu kan barbaade taʼus, inni akkuma tasaa duʼe. Jalqaba yeroo Kiristiyaanummaan hundaaʼee fi hawaasni Yihudootaa achi turetti, Pheexiros ergamaan Baabiloniin daawwachuu akka qabu itti dhagaʼamee ture. Haa taʼu malee, Dh.K.B. jaarraa arfaffaatti magaalattiin kan onte yommuu taʼu, suutuma suutas guutummaatti balleeffamteetti