AKKA KIRISTIYAANA TOKKOOTTI JIRAACHUU
Jireenya Kee Yihowaa Galateeffachuuf Itti Fayyadami!
Jireenyi kennaa gatii guddaa qabu dha. Akkaataan guyyaa guyyaadhaan kennaa kanatti itti fayyadamnu hangam akka dinqisiifannu argisiisa. Dhugaa Baatota Yihowaa waan taaneef, beekumsaa fi dandeettii keenya, Yihowaa isa jireenya nuu kenneef ulfina kennuuf itti fayyadamuu barbaanna. (Far 36:9; Mul 4:11) Taʼus, yaaddoon addunyaa hamaa kanaa wajjin walqabate salphaadhumatti wantoota hafuuraatiif dursa akka hin kennine nu taasisuu dandaʼa. (Mar 4:18, 19) Kanaaf tokkoon tokkoon keenya akkana jennee of gaafachuu qabna: ‘Wantan qabu keessaa isa hunda caalu Yihowaadhaaf kennaan jiraa? (Hos 14:2) Hojiin koo gara kamitti na geessaa jira? Galmawwan hafuuraa baafadhe qabaa? Tajaajila koo balʼifachuu kanan dandaʼu akkamitti?’ Gama kanaan fooyyaʼiinsa gochuun kan si barbaachisu yoo taʼe, Yihowaan akka si gargaaruuf kadhadhu, akkasumas sirreeffama barbaachisaa taʼe godhi. Guyyaa guyyaadhaan Yihowaa galateeffachuun jireenya gammachuu guddaa qabu akka jiraattu akka si taasisu hin shakkisiisu!—Far 61:8.
Beekumsa kee eenyuuf kennaa jirta?
VIIDIYOO DANDEETTII KEE YIHOWAA TAJAAJILUUF ITTI FAYYADAMI JEDHU ILAALI, ACHIIS GAAFFIIWWAN ARMAAN GADII DEEBISUUF YAALI:
Dandeettii kee addunyaa Seexanaatiif kennuun sirrii kan hin taane maaliifi? (1Yo 2:17)
Namoonni wanta qaban keessaa isa hunda caalu Yihowaadhaaf kennan eebba akkamii argatu?
Tajaajila qulqulluu isa kam irratti beekumsaa fi dandeettii kee fedhiidhaan itti fayyadamuu dandeessa?