Qabxii Hojiirra Oolchuu Dandeessu Argadhu

Kitaaba Qulqulluu yeroo dubbisnu qorannaa gochuudhaan qabxiilee gaggaarii argachuuf yaaluu dandeenya. Maarree, caalaatti fayyadamuu kan dandeenyu akkamitti?

Seenaa Kitaaba Qulqulluu tokko yeroo dubbistu wantoota xixiqqoo ibsamaniif xiyyeeffannaa kenni. Fakkeenyaaf, yaada sana kan barreesse eenyu akka taʼe, eenyuuf akka barreeffamee fi yoom akka barreeffame beekuuf yaali. Haallisaa maal akka fakkaatu, wanta sana dura raawwatamee fi wanta sana booda taʼe tilmaamuuf yaali.

Gaaffilee kanarratti qorannaa gochuudhaan barumsa dabarsu hubachuuf yaali: ‘Namoonni waaʼee isaanii dubbisaa jirtu maaltu isaanitti dhagaʼame? Amaloota akkamii argisiisaniiru? Amaloota isaan argisiisan horachuu ykn irraa fagaachuu kan qabdu maaliifi?’

Tajaajilarratti ykn walitti dhufeenya namoota wajjin qabdurratti barumsa argatte hojiirra oolchuuf yaali. Akkas yoo goote akkuma Kitaabni Qulqulluun jedhu ogummaa Waaqayyoo akka qabdu argisiista: “Namni ogeessa taʼe kam iyyuu wantoota kana ni hubata.”—Far. 107:43.

• Gorsa gaarii: Mata dureen walgaʼii torban gidduurratti dhihaatuu fi Beekumsa Dubbii Waaqayyoo Irraa Argamu jedhu barumsa arganne akkamitti hojiirra akka oolchinu yaaduuf kan nu gargaaru akkamitti akka taʼe hubadhu. Kutaan kun gaaffilee of gaafachuu dandeenyu, qabxiilee irratti yaaduu dandeenyuu fi fakkiiwwan irratti xiinxaluu dandeenyu qabateera.