Wanta Qoʼatte Warra Kaanitti Himi

Qoʼannaan nama gammachiisa, yommuu barumsa arganne warra kaanitti himnummoo caalaatti gammanna. Fakkeenyi 11:25, “Namni warra kaan dheebuu baasu [hundi] ofii isaatiif dheebuu ni baʼa” jedha.

Yommuu wanta baranne warra kaanitti himnu barumsa sana caalaatti yaadanna, akkasumas hubannaa keenya balʼifanna. Barumsi arganne warra kaanis waan fayyaduuf warra kaanitti himuun nu gammachiisa.—HoE. 20:35.

Akkas gochuuf yaali: Torbee itti aanu carraa wanta baratte warra kaanitti himuuf si dandeessisu argachuuf yaali. Tarii miseensa maatii keetti, obboleessa gumii keetti, nama si faana hojjetutti, nama si faana baratutti, ollaa keetti ykn nama tajaajilarratti argattutti himuu dandeessa. Yaadicha karaa salphaa fi ifa taʼeen jecha mataa keetiin ibsuuf yaali.

Kana yaadadhu: Wanta baratte warra kaanitti kan himtu isaan ajaaʼibsiisuuf utuu hin taʼin isaan jajjabeessuuf taʼuu qaba.—1 Qor. 8:1.