Yesuus Waraana ni Balleessa

Yesuus yeroo lafarra turetti lubbuu isaallee namootaaf aarsaa gochuudhaan baayʼee akka isaan jaallatu argisiiseera. (Maatewos 20:28; Yohaannis 15:13) Yeroo dhihoottis aangoo Mootii Mootummaa Waaqayyoo taʼuudhaan qabutti fayyadamee ‘guutummaa lafaa irraa waraana balleessuudhaan’ namoota akka jaallatu ni argisiisa.—Faarfannaa 46:9.

Mee wanti Yesuus raawwatu Kitaaba Qulqulluu keessatti akkamitti akka ibsame haa ilaallu:

• “Inni hiyyeessa gargaarsa argachuuf iyyatu, akkasumas isa rakkataa taʼee fi isa gargaaraa hin qabne kam iyyuu ni oolcha. Isa rakkataa fi isa hiyyeessa taʼeef ni gadda, lubbuu hiyyeeyyiis ni oolcha. Cunqursaa fi hammina irraa isaan oolcha.”—Faarfannaa 72:12-14.

Wantoota Yesuus nuuf raawwatee fi gara fuulduraatti nuuf raawwatuuf dinqisiifannaa qabnu argisiisuu kan dandeenyu akkamitti? Karaan inni tokko waaʼee “misiraachoo Mootummaa Waaqayyoo” isa inni lallabaa turee caalaatti beekuudha. (Luqaas 4:43) Mata duree “Mootummaan Waaqayyoo Maalidha?” jedhu dubbisi.