7, 8. Iyoob qorumsawwan akkamii isarra gaʼaniiru? Hamma dhumaatti amanamaa taʼuudhaan maal mirkaneesse?

⁷ Yihowaan, Seexanni walitti aansee Iyoobirra qorumsa akka geessisu heyyame. (Iyo. 1:12-19) Iyoob haalasaa isa jijjiirame kanaaf deebii kan kenne akkamitti ture? Iyoob, “hin yakkine, ‘Dabaa hojjette’ jedhees Waaqayyoon hin hadheessine” jedhameera. (Iyo. 1:22) Haataʼu malee, Seexanni ammas calluma hin jenne. “Inni fayyaa isaa ti, gogaan isaa iyyuu hin tuqamne; [“gogaan qooda gogaati,” hiika bara 1899] namni wanta qabu hundumaa lubbuu isaaf in kenna” jechuudhaan himata dabalataa dhiheesse.b (Iyo. 2:4) Seexanni, Iyoob rakkinni yoo isarra gaʼe, Yihowaan jireenyasaa keessatti Qaama hunda caalu akka hin taane murteessa jedhee himata dhiheesse.