guutuufi gara fuulduraafis galmeeffatanii qabachuu qabu. Barreessaan gumichaa guyyicha Galmee Babal’istoota Gumiirratti (S-21) guutuu qaba.

◼ Barreessitoonni gumii qajeelchitoonni gumii hundi, Xalayaa Muudama Qajeelchaa Yeroo Guutuu (S-202) qabaachuusaanii mirkaneessuu qabu. Kan hin qabne yoo jiraatan waajjira damee barreessaa gaafadhaa.

◼ Gumiiwwan Kaalaandarii Dhugaa Baatota Yihowaa 2007, Caaffata Qulqullaa’aa Guyyaa Guyyaan Qoruu—2007fi Kitaaba Waggaa Dhugaa Baatota Yihowaa 2007 ajaja barreeffamaa itti aanurratti gaafachuu jalqabuu qabu.

◼ BARREEFFAMOOTA HAARAA NU HARKATTI ARGAMAN: Afaan Chaayinaa: Kiri’eeshinii, Dhugumaan Waaqayyo Waa’ee Keenya Ni Yaadaa?, Dammaqinaan Eegaa!, Nama Jaallannu Yeroo Du’aan Dhabnu, T-20 (Jajjabina); bi-12; Ingiliffa: Jildii Masaraa Eegumsaafi Dammaqaa! 2005, Hiika Adunyaa Haaraa mp3tiin; Afaan Faransaayi: Kitaaba Waggaa 2006;Tigriffa: Dhaqaa Isaan Cuuphuudhaan Bartootakoo Godhaa (buukleetii gaaffiiwwan cuuphaa qabate)

◼ AMMAS KAN NU HARKATTI ARGAMAN: Amaariffa: Gara Yihowaatti Dhihaadhu; Macaafni Qulqulluun Maal Barsiisa?; Hafuuronni Warra Du’anii; Ingiliffa: Gara Yihowaatti Dhihaadhaa; Kiri’eetarii; Macaafni Qulqulluun Maal Barsiisa?; Mul’ata; Konkordaansii; Indeeksii 30-85; Kitaaba Koo; Barbaacha Ilmaan Namaa Waaqayyoon Argachuuf Godhan; Gaayidaans Oov Good; Dhugaa Baatota Yihowaafi Barumsa; Dammaqinaan Eegaa!; Saatsfaaying Laayif; Rood Too Laayiif; Leenjii Mana Barumsaa Tajaajila Ti’ookraasiitti Kennamurraa Fayyadami; Kitaaba Faarfannaa (isa xinnoo); Afaan Faransaayi: Waaqayyo Nurraa Maal Barbaadaa?; bi-12; Siwahilii: T-27 (Rakkinni Hundi Yeroo Dhihootti Ni Bada!); Tigriffa: Raajii Daani’el Xiyyeeffannaadhaan Hordofi; Akkaataa Maree Macaafa Qulqulluu Itti Jalqabaniifi Itti Fufan; Waaqni Nurraa Maan Barbaada?; sb-29 (Kitaaba Faarfannaa).

Dammaqaa! Adda Ta’e Raabsuu

¹ Namoonni hundi jechuun ni danda’amaa, faarfannaa simbirrootaa yeroo dhaga’aniifi yommuu lixa biiftuu ilaalan ni gammadu. Baay’eensaanii garuu wantoota kana kan uume Abbaa jaalala qabeessa samiirra jiru ta’usaa hin amanan. Dammaqaa! adda ta’e kana raabsuudhaan wantoota kana kan uume Yihowaa ta’uusaa dhugaa ba’uuf carraa arganna. (Isa. 40:28; 43:10) Dammaqaan! ji’a Fulbaanaa guutummaatti mataduree “Dhugumaan Uumaan Jiraa?” jedhurratti kan hundaa’e ta’a.

² Naannoo Tajaajilaatti: Danda’amnaan guyyaa Sanbadduraa hundumaatti gumii keessanii wajjin manaa gara manaa tajaajiluuf qophii godhaa. Guyyaa kan biraattis barruu adda ta’e kana raabsuu ni dandeessu. Barsiisonnis ta’e namoonni hojii barumsaa wajjin wal qabaterratti hirmaatan barruu kana fudhachuuf fedhii qabaachuu danda’u. Kanaafuu namoota akkasii naannoo keessan jiran kana akka haasofsiistaniif qophiin adda ta’e godhamuu danda’a.

³ Fedhii yoo argisiisan gaaffii yeroo itti aanutti deebistan tokko kaasaa. Fakkeenyaaf, Uumaa jaalala qabeessa ta’e rakkoo kana hundumaa maaliif akka heyyame gaafachuu dandeessu. Achiis deebitanii yeroo isa gaafattan, kitaaba Barumsa Macaafa Qulqulluu jedhamu, boqonnaa 1 ykn boqonnaa 11 itti argisiisuu dandeessu. Yookiin kaayyoo Waaqayyo lafaaf qabu ilaalchisee gaaffii kaasuu barbaaddu ta’a; deddeebii gaaffiirratti boqonnaa 3 itti argisiisuu dandeessu.

⁴ Mana Barumsaatti: Barataa yoo taate, Dammaqaa! kana akka kennaatti maaliif barsiisaa keetiif akkasumas ijoollee si wajjin barataniif hin kennitu? Barruu sana deeskiirra kaa’uunkee amantii keenya ilaalchisee gaaffii akka kaasan gochuu danda’a. Odeeffannoo Dammaqaa! kanarra jirutti fayyadamtee, marii kutaa keessatti godhamurratti amantaakee ilaalchisee gaaffii ka’uuf deebii kennu ykn gabaasa dhiheessuu dandeessa. Barruun kun si gargaaruuf jecha “Gaaffii Dargaggootaa” jalatti mataduree, “Amantaan Uumamarratti Qabu Ilaalchisee Gaaffii Ka’uuf Deebii Kennuu Kanan Danda’u Akkamitti?” jedhu qabateera.

⁵ Yihowaan waan hundumaa waan uumeef ulfina argachuun isaaf ta’a. (Mul. 4:11) Dammaqaa! ji’a Fulbaanaa kana miira ho’aadhaan raabsuudhaan Uumaa keenyaaf ulfina laachuufi warri kaanis akkas akka godhan gargaaruu dandeenya.

Barruulee Raabsuuf Akkam Jennee Jalqabuu Dandeenya?

MASARAA EEGUMSAA Ado. 1

“Addunyaa jeequmsaan guutame kana keessatti namoonni baay’een, ‘Jireenyi rakkinaan kan guutame maaliifi? Waaqayyo utuu jiraatee rakkina kana balleessuuf maaliif tarkaanfii hin fudhatu?’ jedhanii gaafatu. Atoo akkas jettee gaafattee beektaa? [Hanga deebii kennutti eegi.] Barruun kun, deebii Macaafni Qulqulluun gaaffii kanaaf kennu qabateera.” 2 Ximotewos 3:16 dubbisiif.

Dammaqaa! Ado. 2006

“Yeroo har’aa gaa’elli baay’een jeequmsaan guutameera. Abbaan manaafi haati manaa gorsa Macaafa Qulqulluu Efesoon 4:32⁠rra jiru hojiirra utuu oolchanii faayidaa argachuu kan danda’an sitti fakkaataa? [Caqasicha dubbisiitii hanga deebii kennutti eegi.] Barruun Dammaqaa! kun, seerawwan bu’uuraa Macaafa Qulqulluu bara dheeraadhaaf sirrii ta’uunsaanii mirkanaa’eefi gaa’ela gammachiisaa ta’e akka qabaannu nu gargaaran qabateera.”

MASARAA EEGUMSAA Ado. 15

“Bulchiinsi rakkoowwan ilmaan namootaatiif furmaata argamsiisu ni dhufa jettee yaaddaa? [Hanga deebii kennutti eegi.] Maatewos 6:9, 10⁠rratti Yesus bartoonnisaa bulchiinsi akkasii akka dhufu akka kadhatan isaan barsiiseera. [Caqasicha dubbisi.] Barruun kun, Mootummaan Waaqayyoo bulchiinsa ilmaan namootaarra kan caalu maaliif akka ta’eefi Mootummaan kun ilmaan namootaatiif eebbawwan akkamii akka argamsiisu dubbata.”

Dammaqaa! Ado. 2006

Dargaggeessa tokkoon akkas jechuu dandeessa: “Namoonni hiriyoota kee ta’an waa’ee gaa’elaa ni yaadu. Mataduree kana ilaalchisee odeeffannoon amanamaa ta’e eessaa kan argamu sitti fakkaata? [Hanga deebii kennutti eegi.] Gaa’ela kan hundeesse eenyu akka ta’e hubadhu. [Maatewos 19:6 dubbisiif.] Barruun kun, seerawwan bu’uuraa Macaafa Qulqulluu gaa’ela gammachiisaa akka qabaattu si gargaaran qabateera.”