LAAYIBRARII INTARNEETIIRRAA
Masaraa Eegumsaa
LAAYIBRARII INTARNEETIIRRAA
Afaan Oromoo
  • KITAABA QULQULLUU
  • BARREEFFAMOOTA
  • WALGAʼIIWWAN
  • Walgaʼii Keenyaaf Akka Gaariitti Qophaaʼuu Kan Dandeenyu Akkamitti?
    Yeroo Harʼaa Fedha Yihowaa Raawwachaa Kan Jiran Eenyufaʼi?
    • BARUMSA 9

      Walgaʼii Keenyaaf Akka Gaariitti Qophaaʼuu Kan Dandeenyu Akkamitti?

      Dhugaa Baatuu Yihowaa wanta walgaʼiirratti qayyabatamu dursee qophaaʼaa jiru

      Kaamboodiyaa

      Dhugaa Baatuu Yihowaa wanta walgaʼiirratti qayyabatamu dursee qophaaʼaa jirtu
      Dhugaa Baatuu Yihowaa walgaʼiirratti yaada kennuuf jettu

      Yuukreen

      Dhugaa Baatota Yihowaa wajjin Macaafa Qulqulluu qayyabachaa jirta taanaan, yeroo hunda dursitee barumsicha akka qophooftu beekamaadha. Walgaʼii gumiirratti argamuukee duras qophii gochuunkee faayidaa guddaa siif argamsiisa. Gama kanaan barsiifata gaarii yoo qabaanne buʼaa guddaa arganna.

      Yeroofi bakka itti qayyabattu murteessi. Yeroon caalaatti xiinxaluuf sii mijatu yoomidha? Ganama barii, hojii jalqabuukee duramoo galgala ijoolleenkee erga rafanii booda? Saʼaatii dheeraadhaaf qayyabachuu kan hin dandeenye yoo taatellee, yeroo hammamiitiif akka qayyabattu murteessi, akkasumas wanti sagantaa kana si jalaa fashaleessu akka hin jiraanne carraaqqii godhi. Bakka gabii qabu filadhu; wantoota yaadakee hihhiran kanneen akka raadiyoo, televijiiniifi moobaayilii cufi. Qayyabannaa dura kadhannaa gochuun, wantoota guyyaa keessatti si dhiphisan irraanfachuudhaan Dubbii Waaqayyoorratti xiinxaluuf si gargaaruu dandaʼa.—Filiphisiiyus 4:6, 7.

      Qabxii barumsichaa jala muruudhaan hirmaannaa gochuuf qophaaʼi. Guutummaa yaada barumsichaa hubachuudhaan jalqabi. Matadureesaarratti yaadi; mataduree xixiqqaan mataduree guddaa wajjin akkamitti akka wal qabatan hubadhu; fakkiiwwaniifi gaaffilee irra deebii yaada ijoo ibsanirratti yaadi. Achiis keeyyatasaa tokko tokkoon erga dubbistee booda gaaffii dhihaateef keeyyaticha keessaa deebii barbaadi. Caqasoota kennaman baasii dubbisi; yaada dhihaate akkamitti akka deggeran hubadhu. (Hojii Ergamootaa 17:11) Deebii gaaffichaa erga argattee booda jechoota ykn gaaleewwan ijoo taʼan salphaatti yaadachuuf akka si gargaarutti jala muri. Achiis walgaʼiirratti harkakee baastee jecha mataa keetiin yaada gabaabaa kennuu dandeessa.

      Barumsa walgaʼii gumii torban torbaniin godhamurratti dhihaatu qoruudhaan, ‘mana miʼaa’ jechuunis, kuusaa beekumsa Macaafa Qulqulluu qabdurratti yaada haaraa dabalachuu dandeessa.—Maatewos 13:51, 52.

      • Walgaʼiidhaaf qophaaʼuuf barsiifata akkamii qabaachuu dandeessa?

      • Walgaʼiirratti yaada kennuuf qophii gochuu kan dandeessu akkamitti?

      CAALAATTI BARADHU

      Mala armaan oliitti fayyadamuudhaan, Qayyabannaa Masaraa Eegumsaaf ykn Qayyabannaa Macaafa Qulqulluu Gumiitiif qophaaʼi. Gargaarsa namni Macaafa Qulqulluu si qayyabsiisu siif godhuun yaada walgaʼii yeroo ittaanu godhamurratti kennitu qophaaʼi.

  • Waaqeffannaan Maatii Maalidha?
    Yeroo Harʼaa Fedha Yihowaa Raawwachaa Kan Jiran Eenyufaʼi?
    • BARUMSA 10

      Waaqeffannaan Maatii Maalidha?

      Maatii Waaqeffannaa maatii godhachaa jiru

      Kooriyaa Kibbaa

      Abbaa manaa fi haadha manaa Macaafa Qulqulluu waliin qayyabachaa jiran

      Biraaziil

      Dhugaa Baatuu Yihowaa Macaafa Qulqulluu qayyabachaa jiru

      Awustiraaliyaa

      Maatii yaada Macaafa Qulqulluu irratti mariʼachaa jiru

      Giinii

      Yihowaan bara duriitii kaasee, namoonni maatiisaanii wajjin yeroo akka dabarsan, akkasumas hariiroo Yihowaafi maatiisaanii wajjin qaban akka cimsatan barbaada. (Keessa Deebii 6:6, 7) Dhugaa Baatonni Yihowaa, wanta karaa hafuuraa isaan barbaachisurratti karaa namatti toluun mariʼachuuf torbanitti waaqeffannaa maatiitiif yeroo kan ramadan kanaafidha. Kophaakee kan jiraattu yoo taʼellee, mataduree filatterratti qayyabannaa Macaafa Qulqulluu gochuudhaan Waaqayyoo wajjin yeroo dabarsuuf itti fayyadamuu dandeessa.

      Yeroo caalaatti Yihowaatti dhihaachuuf nu gargaarudha. “Waaqayyotti dhiʼaadhaa, innis isinitti in dhiʼaata.” (Yaaqoob 4:8) Amalaafi gochawwansaa Macaafa Qulqulluu keessatti barreeffaman ilaalchisee, hubannaa dabalataa yeroo argannu caalaatti waaʼee Yihowaa barra. Karaa salphaan waaqeffannaa maatii jalqabuun itti dandaʼamu, Macaafa Qulqulluu, tariimmoo dubbisa Macaafa Qulqulluu torbanii sagantaa Walgaʼii Jireenyaa fi Tajaajila Kiristiyaanaa irra jiru sagalee ol kaasanii waliin dubbisuudha. Dubbisicha dursitanii miseensota maatii hundaaf hiruudhaan, booda wanta Caaffata Qulqullaaʼoorraa barattanirratti mariʼachuu dandeessu.

      Yeroo caalaatti miseensota maatii keenyaatti dhihaachuuf nu gargaarudha. Haati manaafi abbaan manaa, akkasumas ijoolleen maatiidhaan Macaafa Qulqulluu waliin qayyabachuunsaanii walitti dhufeenyisaanii akka jabaatu godha. Yeroon kun, yeroo gammachiisa miseensonni maatii hundi hawwiidhaan eeggatan taʼuu qaba. Warri akkuma umrii ijoolleesaaniitti, matadureewwan irratti mariʼatan tarii Masaraa Eegumsaafi Dammaqaa! ykn weebsaayitii keenya jw.org jedhamurraa filachuu dandaʼu. Rakkina mana barumsaatti ijoollee keessan mudatuufi rakkina kana akkamitti moʼuun akka dandaʼamu irratti mariʼachuu dandeessu. Sagantaa JW Broadcasting (tv.jw.org) erga ilaaltanii booda maaliif irratti hin mariʼattan? Faarfannaa walgaʼiirratti faarfatamu shaakaluufi waaqeffannaa maatii booda buna ykn shaahii dhugaa yeroo waliin dabarsuu dandeessu.

      Yeroon addaa torbanitti maatiidhaan Yihowaa itti waaqeffatan kun, miseensonni maatii hundi Dubbii Waaqayyoo qayyabachuutti akka gammadan gargaara; Yihowaanis carraaqqii isaan godhaniif guddaa isaan eebbisa.—Faarfannaa 1:1-3.

      • Waaqeffannaa maatiitiif yeroo ramaduu kan qabnu maaliifi?

      • Warri yeroon kun miseensota maatii hundaaf gammachiisaa akka taʼu gochuu kan dandaʼan akkamitti?

      CAALAATTI BARADHU

      Miseensonni gumii kaan waaqeffannaa maatii akkamitti akka godhan gaafadhu. Akkasumas waaʼee Yihowaa ijoolleekee barsiisuuf barreeffamoonni akkamii Galma Mootummaa keessa akka jiran gaafadhu.

Barreeffamoota Afaan Oromoo (1993-2025)
Baʼi
Gali
  • Afaan Oromoo
  • Ergi
  • Filannoowwan
  • Copyright © 2025 Watch Tower Bible and Tract Society of Pennsylvania
  • Walii Galtee
  • Imaammata Mateenyaa
  • Filannaa Dhuunfaa
  • JW.ORG
  • Gali
Ergi