DAANI’EL raajichi kan jiraate Yesus utuu hin dhalatin waggoota 500 ta’an dura ture. Haata’u malee, Yihowaan yeroo sirrii Yesus Masiihii ykn Kiristos ta’ee itti dibamu ykn muudamu akka baruu danda’uuf Daani’eliif odeeffannoo barbaachisaa ta’e kennee ture. Daani’elitti akkas jedhamee himamee ture: “Yeroo Yerusaalem deebitee akka ijaaramtuuf abboommiin ba’ee jalqabee, hamma bara geggeessituu isa dibamee moosifameetti waggaa torba si’a torba in ta’a.  . . Waggaa torba si’a jaatamii lamaaf dhaabachuuf jirti.”​—Daani’el 9:25.

Geggeessituun ykn Masiihichi yeroo inni itti mul’atu adda baasnee baruuf, jalqaba barri gara Masiihichaatti nu geessu yoom akka jalqabe beekuu nu barbaachisa. Akka raajicharratti ibsametti barri ykn yeroon kun kan jalqabu, “Yeroo Yerusaalem deebitee akka ijaaramtuuf abboommiin ba’ee jalqabeeti.” ‘Abboommiin kan ba’e’ yoomi? Barreessaa Macaafa Qulqulluu kan ta’e Nahimiiyaan akka ibsetti masaraawwan Yerusaalem deebi’anii akka ijaaramaniif abboommiin kan ba’e, “Artashaastaan mootichi mo’ee waggaa digdammaffaatti” dha. (Nahimiyaa 2:1, 5-8) Bulchiinsi Artashaastaa kan jalqabe Dh.K.D. bara 474⁠tti ta’uusaa barreessitoonni seenaa mirkaneessaniiru. Kanaafuu, bulchiinsisaa inni waggaa 20⁠ffaan kan jalqabe Dh.K.D. bara 455⁠ttidha. Amma raajiin Daani’el Masiihicha ilaalchisee dubbate raawwiisaa argachuu kan jalqabe bara 455 Dh.K.D. ta’uusaa hubanneerra.

Daani’el, dhufaatiin ‘geggeessituu isa dibamee moosifamee’ hangam akka dheeratu argisiiseera. Raajichi ‘waggaa torba si’a torbaafi . . .Waggaa torba si’a jaatamii lamaaf,” walumaa galatti—waggoota 483 akka ta’e dubbata.

Amma wanti hafu lakkaa’uu qofadha. Dh.K.D. bara 455 kaasnee waggoota 483 yoo lakkoofne Dh.K.B. bara 29⁠rra geenya. Waggaan kunimmoo yeroo Yesus itti cuuphameefi Masiihii itti ta’edha!a (Luqaas 3:1, 2, 21, 22) Haalli raajiin Macaafa Qulqulluu kun itti raawwiisaa argate kan nama ajaa’ibsiisu mitii?

YIHOWAAN Masiihicha akka adda baasnee barruuf, raajonni Macaafa Qulqulluu baay’een geggeessituun ilmaan namootaa akka walaba baasu raajiidhaan dubbatameef kun waa’ee dhalootasaa, waa’ee tajaajilasaafi waa’ee du’asaa ilaalchisee odeeffannoo bal’aa akka barreessan hafuurasaatiin isaan kakaaseera. Raajiiwwan Macaafa Qulqulluu kun hundi Yesus Kiristosirratti raawwiisaanii argataniiru. Raajiiwwan kun haala