GAAFFII 7
Macaafni Qulqulluun waaʼee bara keenyaa raajii akkamii dubbata?
“Sabni saba irratti, mootummaanis mootummaa irratti in kaʼa . . . Wanti kun hundinuu garuu jalqaba ciniinsuu ti.”
“Raajonni sobduun baayʼeen in kaʼu; namoota baayʼees in wallaalchisu. Seera malee jiraachuun waan baayʼatuuf, jaalalli namoota baayʼee qabbanaaʼaa in adeema.”
“Lolaa fi oduu lolaa yommuu dhageessan hin naʼinaa, kan akkasii kun taʼuun irra jira; kun garuu amma illee dhuma isaa miti.”
“Sochoʼi lafaa gurguddaan beellii fi dhaʼichis biyya hundumaatti in taʼa, wanti romʼisiisaanii fi milikkinni gurguddaanis waaqa irraa in mulʼata.”
“Guyyoota gara dhumaatti yeroon sodaachisaan akka dhufu hubadhu! Namoonni warra ofittoo, sassatoota, of-jajoo, afuufamoo, arrabsituuwwan, warra abboota isaanii fi haadhota isaaniif hin abboomamne, galata hin qabnee, warra wanta qulqullaaʼaadhaan morman in taʼu. Warra jaalala of keessaa hin qabne, warra araara hin jaallanne, warra maqaa namaa balleessan, warra of hin qabne, warra namatti hin madaqne, warra waan gaarii jibban, warra dabarsanii nama kennan, warra eeggannaa hin qabne, warra of arguu dhabuudhaan of bokoksan, Waaqayyoon jaallachuu caalaa, warra waan isaan gammachiisu jaallatan taʼuuf jiru. Akka bakkeedhaan mulʼatutti nama Waaqayyoo in fakkaatu, humna isa nama akkasii keessa jiru garuu in ganu.”