QOʼANNAA 1

Ittiin Lixa Gaarii

Hojii Ergamootaa 17:22

YAADA IJOO: Ittiin lixni kee fedhii kan kakaasu, barumsa kee adda baasee kan beeksisuu fi dhaggeeffattoonni kee barumsichaaf xiyyeeffannaa kennuu kan qaban maaliif akka taʼe kan argisiisu taʼuu qaba.

KANA GOCHUUN KAN DANDAʼAMU AKKAMITTI?

Fedhii namootaa kakaasi. Gaaffii, yaada, muuxannoo, ykn oduu fedhii dhaggeeffattoota keetii kakaasu filadhu.

Namoonni si dhaggeeffatan fedhiin isaanii maal akka taʼee fi maaltu akka isaan yaaddessu dursii yaadi, achiis ittiin lixa kee bifa sanaan qopheeffadhu.
Barumsa kee ifa godhi. Ittiin lixni kee barumsichaa fi kaayyoo isaa dhaggeeffattoota keetiif ifa kan godhu taʼuu isaa mirkaneeffadhu.
Barumsichi maaliif barbaachisaa akka taʼe ifa godhi. Wanti ati dubbattu, wanta dhaggeeffattoota kee barbaachisu wajjin akka wal simu godhi. Barumsichi dhuunfaatti isaan gargaaruu kan dandaʼu akkamitti akka taʼe hubachuu qabu.

Haasaa yommuu qophooftu, ‘Obbolootaa fi obboleettota gumii keessa jiran maaltu isaan mudachaa jira?’ jedhii of gaafadhu. Achiis ittiin lixa kee wanta isaan barbaachisu wajjin akka wal simu godhii qopheessi.