Kitaabni Qulqulluun Maal Jedha?

“Guyyoota dhumaa” keessa jiraachaa jirraa?

Ati maal jetta?

• Eeyyee

• Lakki

• Taʼuu dandaʼa

Kitaabni Qulqulluun maal jedha?

“Guyyoota dhumaatti yeroon addaa baayʼee rakkisaa taʼe [ni dhufa].” (2 Ximotewos 3:1) Raajiin Kitaaba Qulqulluu fi wantoonni yeroo ammaatti raawwatamaa jiran, “guyyoota dhumaa” keessa akka jirru argisiisu.

Wanta dabalataa Kitaaba Qulqulluu irraa barannu

• Guyyoonni dhumaa waraana, beela, kirkira lafaa fi dhukkuboota namoota galaafataniin adda baafamee beekama.—Maatewos 24:3, 7; Luqaas 21:11.

• Guyyoota dhumaatti, gama naamusaa fi jireenya hafuuraatiin ilmaan namootaa irra kufaatii guddaatu gaʼaa jira.—2 Ximotewos 3:2-5.

Ilmaan namootaa gara fuulduraatti abdii akkamii qabu?

Namoonni tokko tokko, guyyoonni dhumaa badiisa lafaa fi badiisa wantoota irra jiran hundumaatiin xumuramu jedhanii amanu; kaan immoo haalli amma jiru ni fooyyaʼa jedhanii abdatu. Ati hoo maal jetta?

Kitaabni Qulqulluun maal jedha?

“Warri qajeelonni biyya in qabaatu [“lafa indhaalu,” hiika bara 1899], yeroo hundumaafis keessa in taaʼu.”—Faarfannaa 37:29.

Wanta dabalataa Kitaaba Qulqulluu irraa barannu

• Guyyoota dhumaatti hamminni hundi ni balleeffama.—1 Yohaannis 2:17.

• Lafti gara jannataatti jijjiiramti. —Isaayaas 35:1, 6.