Waaqayyo Siif Yaada
KITAABNI QULQULLUUN Dubbii Waaqayyoo waan taʼeef, gorsa hundarra caalu qabateera. Kitaaba yaalii fayyaa taʼuu baatus haala nama dhiphisu, yaadaa fi miira nama jeequ, akkasumas dhibee qaamaa fi sammuu cimaa taʼe dandamachuuf nu gargaara.
Hunda caalaammoo, Kitaabni Qulqulluun Uumaa keenya kan taʼe Yihowaana eenyuyyuu caalaa yaadaa fi miira keenya akka nuuf hubatu nuuf mirkaneessa. Inni rakkina nu mudatu kamirrattiyyuu nu gargaaruuf fedhii guddaa qaba. Mee caqasoota Kitaaba Qulqulluu nama jajjabeessan lama akka fakkeenyaatti haa ilaallu:
“Yihowaan warra garaan isaanii cabetti dhihoo dha; warra hafuurri isaanii caccabes ni oolcha.”—FAARFANNAA 34:18.
“Ani Waaqni kee Yihowaan, isa harka kee mirgaa qabee, ‘Hin sodaatin. Ani sin gargaara’ siin jedhu sana dha.”—ISAAYYAAS 41:13.
Maarree, Yihowaan dhibee sammuu akka dandamannu kan nu gargaaru akkamitti? Akkuma mata duree ittaanurratti ilaallutti, Yihowaan baayʼee akka nuuf yaadu karaa hedduudhaan argisiiseera.
a Yihowaan maqaa Waaqayyooti.—Faarfannaa 83:18.