5 Уыцы пехуымпары+ кӕнӕ фынтӕуынӕджы та хъӕуы амарын+, уымӕн ӕмӕ уӕ кӕны уӕ Хуыцау Йегъовӕйы ныхмӕ, Египеты зӕххӕй уӕ чи ракодта, цагъартӕ кӕм уыдыстут, уырдыгӕй* уӕ чи ссӕрибар кодта, уый ныхмӕ, цӕмӕй, уӕ Хуыцау Йегъовӕ уын цы фӕндагыл бафӕдзӕхста цӕуын, уыцы фӕндагӕй уӕ фӕиппӕрд кӕна+. Уе ’хсӕнӕй фыддзинад фесафут+.

15 Фӕлӕ дӕ Хуыцау Йегъовӕмӕ куы нӕ хъусай ӕмӕ дын абон кӕй хъусын кӕнын, уыцы фӕдзӕхстытӕ ӕмӕ уагӕвӕрдтӕ иууылдӕр куы не ’ххӕст кӕнай, уӕд та дыл ӕрцӕудзысты ӕппӕт ацы ӕлгъыстытӕ ӕмӕ дӕ баййафдзысты+.

16 Йегъовӕ Моисейӕн загъта: «Ды тагъд баиу уыдзынӕ дӕ фыдӕлтӕм+. Ацы адӕм та бавдӕлдзысты+ ӕмӕ хӕтын райдайдзысты ӕцӕгӕлон хуыцӕуттимӕ, кӕдӕм цӕуынц, уыцы бӕстӕйы хуыцӕуттимӕ+, ӕмӕ уыцы хуыцӕуттӕ уыдзысты се ’хсӕн. Уыдон мӕ ныууадздзысты+ ӕмӕ фехалдзысты мӕ бадзырд, семӕ кӕй скодтон, уыцы бадзырд+.