13 Ӕмӕ ӕппӕт ацы хъуыддӕгтӕ кӕй кодтат,– зӕгъы Йегъовӕ,– ӕз та уын дзырдтон, раджы-иу сыстадтӕн ӕмӕ дзырдтон+, фӕлӕ сымах нӕ хъуыстат+, ӕз уӕм дзырдтон, фӕлӕ мын сымах дзуапп нӕ лӕвӕрдтат+,–

4 Йегъовӕ уӕм ӕрвыста йӕ пехуымпарты, раджы-иу сыстад ӕмӕ-иу сӕ арвыста, фӕлӕ сӕм сымах нӕ хъуыстат+, уӕ хъус дӕр-иу сӕм не ’рдардтат+.

15 Ӕз уӕм ӕрвыстон ме ’ппӕт лӕггадгӕнджыты, мӕ пехуымпарты+, раджы-иу сыстадтӕн ӕмӕ-иу сӕ арвыстон, ӕмӕ уын дзырдтон: „Уӕ хорзӕхӕй, уе ’взӕр фӕндӕгтӕ ныууадзут+ ӕмӕ уӕ хъуыддӕгтӕ сраст кӕнут+. Ма цӕут ӕндӕр хуыцӕутты фӕдыл, ма сын кувут+. Ӕмӕ цӕрут, сымахӕн ӕмӕ уӕ фыдӕлтӕн кӕй радтон, уыцы зӕххыл“+. Фӕлӕ-иу мӕм сымах уӕ хъус дӕр не ’рдардтат, нӕ мӕм хъуыстат+.