1 Ацы хабар ӕрцыд, Персы паддзах Кир+ фыццаг аз куы уыд паддзах, уӕд. Йегъовӕ Йеремийы уылты цы загъта, уый цӕмӕй сӕххӕст уыдаид+, уый тыххӕй Йегъовӕ Киры сразӕнгард кодта+, ӕмӕ Кир уынаффӕ рахаста+, ныффыссын ӕй кодта+ ӕмӕ йӕ йӕ паддзахады алы ран дӕр фехъусын кодта:

2 Ӕз федтон, хъуын арц кӕмӕй слӕууы, ахӕм цӕстылуайӕн+: гадзрахатӕй чи цӕуы, уый цӕуы гадзрахатӕй, стигъӕг стигъы+. Сыст, Елам! Горӕтыл ӕртыхс, Миди!+ Уый хъизӕмарӕй кӕй мардта, уыдоны хъӕрзынӕн ӕз кӕрон скодтон+.

45 Афтӕ зӕгъы Йегъовӕ йӕ сӕрст лӕггадгӕнӕг+ Кирӕн,– йӕ рахиз къухыл кӕмӕн хӕцын+, цӕмӕй йын адӕмты йӕ дӕлбар бакӕнон+ ӕмӕ паддзӕхтӕн сӕ астӕутӕй сӕ рӕттӕ раласон, цӕмӕй йын йӕ размӕ дуӕрттӕ бакӕнон ӕмӕ цӕмӕй горӕты кулдуар ӕхгӕд ма ’рцӕуа:

9 Ӕз Вавилоны ныхмӕ цӕгатаг зӕххӕй ракӕндзынӕн тынг бирӕ стыр адӕмтӕ+. Уыдон йӕ ныхмӕ рацӕудзысты+ ӕмӕ йӕ бацахсдзысты+. Сӕ фаттӕ сты, ныййарджыты сӕ сывӕллӕттӕй ӕнӕхай чи фӕкӕны, йӕ фӕнд йӕ къухы кӕмӕн бафты, ахӕм тыхджын лӕгты хуызӕн+.

28 Данелӕн йӕ хъуыддӕгтӕ иууылдӕр хорз цыдысты Дарийы паддзахады+ дӕр ӕмӕ персайнаг паддзах Киры паддзахады дӕр+.

9 Дарийы+, мидиаг+ Ахашверошы фырты, сӕвӕрдтой халдейты паддзахады паддзахӕй+.