Псалом

47 Адӕмтӕ, иууылдӕр ӕмдзӕгъд кӕнут+.

Фырцинӕй хъӕр кӕнут ӕмӕ зарут Хуыцауӕн, цины хъӕр кӕнут+.

 2 Уымӕн ӕмӕ Йегъовӕ, Иунӕг Стыр Хуыцау, адӕймагыл ӕфтауы тас+,

Уый у ӕгас зӕххы цытджын Паддзах+.

 3 Адӕмты нын нӕ дӕлбар бакӕндзӕн+

Ӕмӕ нын адӕмыхӕттыты нӕ къӕхты бын ӕрӕвӕрдзӕн+.

 4 Уый нын равзардзӕн бынтӕ+.

Уыцы бынтӕй сӕрыстыр у, кӕй уарзы, уыцы Иаков+. (Се́ла)

 5 Хуыцау ссыд цины хъӕртимӕ+,

Йегъовӕ ссыд сыкъайы уастимӕ+.

 6 Зарут Хуыцауӕн, зарут+.

Зарут нӕ Паддзахӕн, зарут,

 7 Уымӕн ӕмӕ Хуыцау у ӕгас зӕххы Паддзах+.

Зарут ӕмӕ ут ӕмбаргӕ+.

 8 Хуыцау сси адӕмты паддзах+.

Хуыцау ӕрбадт йӕ сыгъдӕг паддзахбадӕныл+.

 9 Адӕмты хицӕуттӕ ӕрӕмбырд сты+

Авраамы Хуыцауы адӕмимӕ+,

Уымӕн ӕмӕ Хуыцауы сты зӕххы уартытӕ*+.

Уый ссыд тынг бӕрзонд+.