Йереми
15 Йегъовӕ мын загъта: «Мӕ разы Моисей+ ӕмӕ Самуил+ дӕр куы ’рлӕууыдаиккой, уӕд дӕр мӕ зӕрдӕ* нӕ раздӕхтаид ацы адӕммӕ+. Мӕ разӕй сӕ фӕсырдтаиккой, ӕмӕ ацыдаиккой+. 2 Ӕмӕ дын афтӕ куы зӕгъой, кӕдӕм ацӕуӕм, зӕгъгӕ, уӕд-иу сын зӕгъ: „Афтӕ зӕгъы Йегъовӕ: „Мӕлӕтдзаг низы аккаг чи у, уый ацӕуӕд ӕмӕ мӕлӕтдзаг низӕй амӕлӕд! Хъамайӕ амӕлыны аккаг чи у, уый ацӕуӕд ӕмӕ хъамайӕ фӕмард уӕд! Ӕххормагӕй амӕлыны аккаг чи у, уый ацӕуӕд ӕмӕ ӕххормагӕй амӕлӕд!+ Уацары ацӕуыны аккаг чи у, уый уацары ацӕуӕд!“+
3 „Ӕз сыл бафтаудзынӕн цыппар фыдбылызы+,– зӕгъы Йегъовӕ.– Хъама, цӕмӕй мара; куыйтӕ, цӕмӕй скъуыдтӕ кӕной; уӕларвон мӕргътӕ+ ӕмӕ зӕххон сырдтӕ, цӕмӕй хӕрой ӕмӕ зиан хӕссой. 4 Езекийы фырт Иудӕйы паддзах Манассийы тыххӕй, Манасси Иерусалимы цытӕ кодта+, уый тыххӕй сын ӕз ахӕм ми бакӕндзынӕн, ӕмӕ, зӕххыл цыдӕриддӕр паддзахӕдтӕ ис, уыдоны тас бацӕудзӕн+. 5 О Иерусалим, чи дын фӕтӕригъӕд кӕндзӕн+, кӕй зӕрдӕ дыл фӕрисдзӕн, чи дӕм ӕрбацӕудзӕн ӕмӕ дӕ чи бафӕрсдзӕн, куыд дӕ, зӕгъгӕ?“
6 „Ды мӕ ныууагътай+,– зӕгъы Йегъовӕ.– Дӕ чъылдым мӕм сыздахыс ӕмӕ ацӕуыс+. Гъемӕ дӕм ӕз мӕ къух сисдзынӕн ӕмӕ дӕ фесафдзынӕн+. Тӕригъӕд кӕнынӕй бафӕлладтӕн+. 7 Сагойӕ хор дымгӕмӕ куыд сдарынц+, афтӕ сӕ дымгӕмӕ сдардзынӕн ацы зӕххы горӕтты*. Сӕ сывӕллӕттӕй сӕ ӕнӕхай фӕкӕндзынӕн+. Фесафдзынӕн мӕ адӕмы, уымӕн ӕмӕ сӕ фӕндӕгтӕ нӕ ныууагътой+. 8 Афтӕ мӕм кӕсы, ӕмӕ сӕ идӕдз сылгоймӕгтӕ систы денджызты змисӕй дӕр фылдӕр. Бон-сихорафон сыл сардаудзынӕн стигъӕджы – мадыл дӕр ӕмӕ лӕппуйыл дӕр+. Ӕвиппайды сыл бафтаудзынӕн тас ӕмӕ катай+. 9 Авд сывӕллоны чи ныййардта, уыцы сылгоймагмӕ тыхтӕ нал баззад, йӕ удӕн улӕфт нӕ фаг кӕны+. Нырма бон у, фӕлӕ уымӕн йӕ хур аныгуылд+, фефсӕрмы, фӕкъӕмдзӕстыг“. „Чи ма сӕ баззайа, уыдоны се знӕгты раз бакӕндзынӕн хъамайы амӕттаг“+,– зӕгъы Йегъовӕ».
10 Куыд ӕнамонд дӕн+, о мӕ ныййарӕг мад, цӕмӕн мӕ ныййардтай? Ӕгас зӕхх дӕр мемӕ хыл кӕны, быцӕу кӕны+. Ӕз уыдонӕн ӕфстау ницы радтон ӕмӕ уыдонӕй дӕр ӕфстау ницы райстон, фӕлӕ мӕ иууылдӕр ӕлгъитынц+.
11 Йегъовӕ загъта: «Ӕз дын лӕггад кӕндзынӕн, араздзынӕн дын хорздзинад+. Бӕллӕхы рӕстӕг+ ӕмӕ зын сахат знаджы раз дӕ сӕрыл рахӕцдзынӕн+. 12 Искӕмӕн йӕ бон у ӕфсӕйнаг – цӕгатаг ӕфсӕйнаг – ныссӕттын, науӕд ӕрхуы? 13 Дӕ зӕххыл алы ран дӕр кӕй аразыс, ӕппӕт уыцы тӕригъӕдты тыххӕй+ дын дӕ исбон ӕмӕ дӕ хӕзнатӕ лӕвар ратдзынӕн, ӕмӕ дын сӕ фӕхӕсдзысты+. 14 Ӕз афтӕ бакӕндзынӕн, ӕмӕ дын сӕ де знӕгтӕ ахӕсдзысты, кӕй нӕ зоныс, уыцы зӕхмӕ+, уымӕн ӕмӕ мӕ маст ссыгъд пиллон артау+, ссыгъд сымахмӕ».
15 Ды мын мӕ уавӕр хорз зоныс+. О Йегъовӕ, ӕрхъуыды мӕ кӕн+, ӕркӕс мӕм ӕмӕ, мӕ фӕдыл чи зилы, уыдонӕй мӕ маст райс+. Ды мӕсты кӕнынмӕ тагъд нӕ кӕныс, ӕмӕ мӕ ма бабын кӕн+. Ӕркӕс, дӕу тыххӕй ӕфхӕрд куыд ӕййафын, уымӕ+. 16 Дӕ ныхӕстӕ мӕм ӕрбахӕццӕ сты, ӕмӕ сӕ бахордтон+. Дӕ ныхас мын свӕййы цины хос+, мӕ зӕрдӕ мын цинӕй байдзаг кӕны+, уымӕн ӕмӕ ӕз хӕссын дӕ ном+, о ӕфсӕдты Хуыцау Йегъовӕ+. 17 Хынджылӕг чи кӕны, уыдонимӕ нӕ бадтӕн+ ӕмӕ нӕ цин кодтон+. Дӕ къух мыл кӕй уыди, уый тыххӕй зыбыты иунӕгӕй бадтӕн+, уымӕн ӕмӕ мӕ ды судзгӕ мастӕй байдзаг кодтай+. 18 Мӕ рыстӕн банцайӕн цӕуылнӕуал ис+, мӕ хъӕдгом цӕуылнӕуал ӕгас кӕны?+ Дзӕбӕх кӕнын нӕ комы. Афтӕ мӕм кӕсы, цыма мӕ сайгӕ кӕныс+, цыма ӕнӕууӕнк дӕтты хуызӕн фӕкӕныс+.
19 Уымӕ гӕсгӕ Йегъовӕ загъта: «Фӕстӕмӕ куы раздӕхай, уӕд дӕ фӕстӕмӕ ӕрбакӕндзынӕн+. Ды лӕудзынӕ мӕ разы+. Ӕмӕ зынаргъ цы у, уый, ницӕйаг цы у, уымӕй куы фӕхицӕн кӕнай, уӕд ды дзурдзынӕ мӕ номӕй. Уыдон дӕм ӕрбаздӕхдзысты, фӕлӕ сӕм ды ма аздӕх».
20 «Ӕз дӕ ацы адӕмӕн скодтон фидаргонд ӕрхуы къул+. Уыдон демӕ тох кӕндзысты, фӕлӕ дыл нӕ фӕуӕлахиз уыдзысты+, уымӕн ӕмӕ ӕз демӕ дӕн, цӕмӕй дӕ хъахъхъӕнон ӕмӕ дӕ ирвӕзын кӕнон+,– зӕгъы Йегъовӕ.– 21 Ӕз дӕ фервӕзын кӕндзынӕн фыдадӕмы къухӕй+, ӕгъатыр адӕмы къухӕй дӕ ссӕрибар кӕндзынӕн».