Иов

35 Елиуй йӕ ныхас адарддӕр кодта ӕмӕ загъта:

 2 «Ды уый рӕстдзинадыл нымайыс?

Ды зӕгъыс: „Ӕз Хуыцауӕй растдӕр дӕн“+.

 3 Стӕй ма дзурыс: „Раст кӕй дӕн, уымӕй цы пайда ис?+

Тӕригъӕдтӕ куы арӕзтаин, уымӕй уӕлдай мын уый исты пайда хӕссы?“+

 4 Ӕз ӕй зӕгъдзынӕн дӕуӕн дӕр

Ӕмӕ де ’мбӕлттӕн+ дӕр.

 5 Арвмӕ-ма скӕс+ ӕмӕ йыл дӕ цӕст ахӕсс,

Скӕс-ма мигътӕм+ – уыдон дӕуӕй уӕлдӕр сты.

 6 Кӕд тӕригъӕдджын митӕ кӕныс, уӕд уый ныхмӕ цы аразыс?+

Кӕд дӕ фыдракӕндтӕ фылдӕрӕй-фылдӕр кӕнынц, уӕд дзы уымӕн ӕвзӕрӕй цы кӕныс?

 7 Кӕд раст дӕ, уӕд ын уымӕй исты дӕттыс

Кӕнӕ дӕ къухӕй исты райсы?+

 8 Дӕ фыддзинад дӕр уыдзӕн дӕхи хуызӕн адӕймаджы ныхмӕ+,

Ӕмӕ дӕ рӕстдзинад дӕр – зӕххон адӕймаджы фырты пайдайӕн+.

 9 Адӕм бирӕ ӕфхӕрд кӕй ӕййафынц, уый тыххӕй сидынц ӕххуысмӕ+,

Сӕ хицӕутты къух сыл кӕй уӕз кӕны, уый тыххӕй ӕххуысмӕ дзыназынц+.

10 Фӕлӕ уӕддӕр ничи фӕзӕгъы: „Кӕм ис ме сфӕлдисӕг Стыр Хуыцау+,

Ӕхсӕвы зарджытӕ чи зарын кӕны, уый?+“

11 Уый мах хъӕддаг сырдтӕй+ фылдӕр ахуыр кӕны+,

Скӕны нӕ уӕларвон мӕргътӕй зондджындӕр.

12 Ӕфхӕрд чи ’ййафы, уыдон дзыназынц, фӕлӕ сын уый дзуапп нӕ дӕтты+,

Уымӕн ӕмӕ сты ӕвзӕр ӕмӕ сӕрбӕрзонд+.

13 Хуыцау мӕнг ныхӕстӕ нӕ хъусы+,

Ӕппӕтхъомысджын Хуыцаумӕ нымады дӕр не сты+.

14 Ӕмӕ дӕ уӕд куыд хъуамӕ хъуса, кӕд ӕмӕ афтӕ зӕгъыс, нӕ йӕ уынын, зӕгъгӕ!+

Тӕрхоны хъуыддаг йӕ разы ис, ӕмӕ Йӕм ныр хъуамӕ зӕрдиагӕй ӕнхъӕлмӕ кӕсай+.

15 Мӕстӕй судзгӕйӕ дӕ дзуапп кӕй не ’рдомдта+,

Уый тыххӕй дын дӕ сонт, де ’нӕрхъуыды ныхӕстӕ ницӕмӕ ӕрдардта+.

16 Иов дзӕгъӕлы кӕны ахӕм стыр ныхӕстӕ.

Хъуыддаг нӕ зоны, афтӕмӕй дзуры ӕмӕ дзуры»+.