Псалом

79 О Хуыцау, адӕмтӕ дын дӕ бынтӕм бацыдысты+,

Дӕ рухс кувӕндонӕй дын фӕхынджылӕг кодтой+,

Иерусалимӕй дур дурыл нал ныууагътой+.

 2 Дӕ лӕггадгӕнджыты мӕрдтӕ радтой уӕларвон мӕргътӕн+,

Иузӕрдион дыл чи уыд, уыдоны буӕрттӕ – зӕххон сырдтӕн+.

 3 Сӕ туг сын донау калдтой

Ӕгас Иерусалимы, ӕмӕ сӕ ныгӕнӕг нӕ уыд+.

 4 Нӕ сыхӕгтӕн фидиссаг систӕм+,

Нӕ алыварс чи ис, уыдон ныл худынц ӕмӕ нӕ хынджылӕг кӕнынц+.

 5 О Йегъовӕ, кӕдмӕ мӕсты кӕндзынӕ? Ӕнустӕм?+

Дӕ маст артау кӕдмӕ судздзӕн?+

 6 Ныккал дӕ фыдӕх, чи дӕ нӕ зоны, уыцы адӕмтыл+

Ӕмӕ дын дӕ ном чи нӕ ары, уыцы паддзахӕдтыл+.

 7 Уымӕн ӕмӕ Иаковы аныхъуырдтой+,

Йӕ цӕрӕнбынат ын ӕдзӕрӕг фӕкодтой+.

 8 Нӕ фыдӕлты тӕригъӕдты тыххӕй нӕ дзуапп ма ’рдом+.

Фӕтагъд кӕн! Барӕвдау нӕ дӕ фӕлмӕнзӕрдӕдзинадӕй+,

Уымӕн ӕмӕ нӕм тыхы мур нал ис+.

 9 Баххуыс нын кӕн, о нӕ ирвӕзынгӕнӕг Хуыцау+,

Дӕ номы кады тыххӕй+.

Фервӕзын нӕ кӕн ӕмӕ нын нӕ тӕригъӕдтӕ ныххатыр кӕн дӕ номы тыххӕй+.

10 Цӕмӕн хъуамӕ дзурой адӕмтӕ, кӕм ис сӕ Хуыцау, зӕгъгӕ?+

Нӕхи цӕстӕй нын фенын кӕн, дӕ лӕггадгӕнджыты туг кӕй райстай+,

Уый адӕмтӕ куыд базондзысты, уый+.

11 Фехъуысӕд дӕм ахст лӕджы хъӕрзын+.

Дӕ цонджы стыр хъаруйы фӕрцы бахъахъхъӕн, мӕлӕтмӕ лӕвӕрд чи у, уыдоны+.

12 Нӕ сыхӕгтӕн авд ахӕмӕй бафид, нывӕр сын сӕ роны*+,

Дӕу цы ныхӕстӕй ӕфхӕрдтой, уыдон, о Йегъовӕ+.

13 Мах та, дӕ адӕм ӕмӕ, кӕй хизыс, уыцы фыстӕ+,

Мах дын арфӕ кӕндзыстӕм ӕнустӕм,

Дӕ кады тыххӕй дзурдзыстӕм фӕлтӕрӕй-фӕлтӕрмӕ+.