Малахи
3 «Ӕз фервитын мӕ фидиуӕджы+, ӕмӕ мын мӕ размӕ фӕндаг асыгъдӕг кӕндзӕн+. Ӕмӕ ӕцӕг Хицау+, кӕй агурут, уый, йӕ кувӕндонмӕ ӕнӕнхъӕлӕджы ӕрцӕудзӕн+, ӕрцӕудзӕн бадзырды+ минӕвар дӕр+, ӕхсызгонӕй кӕмӕ ӕнхъӕлмӕ кӕсут+, уый. О, ӕнӕмӕнг ӕрцӕудзӕн»,– зӕгъы ӕфсӕдты хицау Йегъовӕ+.
2 «Фӕлӕ йе ’рцыды бон чи бафӕраздзӕн+ ӕмӕ куы фӕзына, уӕд фидар чи фӕлӕудзӕн?+ Уый уыдзӕн сызгъӕрин тайынгӕнӕджы* арты хуызӕн+ ӕмӕ гӕрзтӕхсӕджы+ фӕныкдоны хуызӕн+. 3 Ӕвзист чи батайын кӕны ӕмӕ йӕ чи ссыгъдӕг кӕны+, уыйау ӕрбаддзӕн ӕмӕ Левийы фыртты ссыгъдӕг кӕндзӕн+. Ссыгъдӕг сӕ кӕндзӕн, сызгъӕрин+ ӕмӕ ӕвзист куыд ссыгъдӕг кӕнынц, афтӕ, ӕмӕ уыдон Йегъовӕйӕн суыдзысты, кувинӕгтӕ+ йын сыгъдӕгзӕрдӕйӕ чи хӕсдзӕн, ахӕм адӕм. 4 Ӕмӕ кӕддӕр, раджы заманты куыд уыд+, афтӕ та Иудӕйы ӕмӕ Иерусалимы кувинӕгтӕ Йегъовӕйӕн ӕхсызгон уыдзысты+.
5 Ӕрцӕудзынӕн уӕм, цӕмӕй уын стӕрхон кӕнон+, ӕмӕ ӕвӕстиатӕй ӕвдисӕн ӕрлӕудзынӕн+, кӕлӕнтӕ чи кӕны+, хӕтгӕ чи кӕны+ ӕмӕ мӕнг сомытӕ чи кӕны+, ӕххуырст кусӕджы чи сайы – цы йӕм ӕмбӕлы, уый йын чи нӕ бафиды+, идӕдз усы+ ӕмӕ сидзӕры*+ чи сайы, ӕрцӕуӕггаджы+ хӕрдмӕ скӕсын чи нӕ уадзы, мӕнӕй чи нӕ тӕрсы+, уыдоны ныхмӕ»,– зӕгъы ӕфсӕдты хицау Йегъовӕ.
6 Ӕз дӕн Йегъовӕ, ӕз нӕ ивын+. Ӕмӕ сымах, Иаковы фырттӕ, уый фӕрцы нӕ фесӕфтыстут+. 7 Уӕ фыдӕлты замантӕй фӕстӕмӕ мын мӕ уагӕвӕрдты сӕрты хизут ӕмӕ сӕ не ’ххӕст кӕнут+. Раздӕхут мӕм, ӕмӕ уӕм ӕз дӕр раздӕхдзынӕн»+,– зӕгъы ӕфсӕдты хицау Йегъовӕ.
Сымах дзурут: «Куыд дӕм раздӕхӕм?»
8 «Уый гӕнӕн ис, ӕмӕ адӕймаг Хуыцауӕй дава? Сымах та мӕнӕй давут».
Сымах зӕгъут: «Цы дӕ давӕм?»
«Дӕсӕм хӕйттӕ ӕмӕ кувинӕгтӕ. 9 Сымах мӕ ӕлгъитут+ ӕмӕ уе ’ппӕт дӕр мӕнӕй давут. 10 Алцӕмӕй дӕр дӕсӕм хай+ къӕбицмӕ ӕрбахӕссут, цӕмӕй мӕ хӕдзары хойраг уа+. Уӕ хорзӕхӕй, бафӕлварут мӕ ацы хъуыддаджы+,– зӕгъы ӕфсӕдты хицау Йегъовӕ,– кӕддӕра уын ӕз арвы дуӕрттӕ нӕ байгом кӕнин+ ӕмӕ уыл арфӕдзинад не ’руадзин, цух куыд ницӕмӕйуал ӕййафат, афтӕ»+.
11 «Сымах тыххӕй ӕз зулчъыты нӕ бауадздзынӕн+, цӕмӕй уын уӕ зӕххы тыллӕг фесафой, ӕмӕ быдыры уӕ сӕнӕфсир дӕр ӕнӕ дыргъ нӕ уыдзӕн»+,– зӕгъы ӕфсӕдты хицау Йегъовӕ.
12 «Ӕппӕт адӕмтӕ дӕр уӕ хондзысты амондджын+, уымӕн ӕмӕ суыдзыстут зӕрдӕйӕн адджын бӕстӕ»+,– зӕгъы ӕфсӕдты хицау Йегъовӕ.
13 «Мӕ ныхмӕ къӕйных ныхас кӕнут»+,– зӕгъы Йегъовӕ.
Сымах фӕрсут: «Цы дзургӕ нӕ фехъуыстай дӕ ныхмӕ?»+
14 «Сымах дзурут: „Хуыцауӕн лӕггад кӕнын ницы пайда у+. Йӕ разы ныл цы хӕс ис, уый кӕй ӕххӕст кодтам ӕмӕ ӕфсӕдты хицау Йегъовӕйы тыххӕй ӕнкъардӕй кӕй цыдыстӕм, уый нын цы пайда ӕрхаста?+ 15 Ныр амондджын хонӕм, йӕхиуыл чи фервӕссыд, уыдоны+. Фыдгӕнджытӕ сӕ уды дзӕбӕхӕн цӕрынц+. Хуыцауы къахынц, фӕлӕ сын тайы“»+.
16 Уыцы рӕстӕг, Йегъовӕйӕ чи тӕрсы+, уыдон кӕрӕдзиимӕ ныхас кодтой, алчи – йе ’мбалимӕ, Йегъовӕ та сӕм лӕмбынӕг хъуыста+. Ӕмӕ Йегъовӕйӕ чи тӕрсы ӕмӕ йын йӕ номыл чи хъуыды кӕны+, уыдоны тыххӕй йӕ разы фыст цыд зӕрдылдарӕн чиныг+.
17 «Мӕхицӕн сӕ, уӕлдай зынаргъ мын чи у, ахӕм бынтӕ куы скӕнон+,– зӕгъы ӕфсӕдты хицау Йегъовӕ,– уӕд уыдон суыдзысты мӕ адӕм+. Ӕмӕ сын ӕз фӕтӕригъӕд кӕндзынӕн, адӕймаг йӕ коммӕгӕс фыртӕн куыд фӕтӕригъӕд кӕны, афтӕ+. 18 Ӕмӕ та уӕд ногӕй фендзыстут, рӕстгӕнӕг ӕмӕ фыдгӕнӕг+, Хуыцауӕн чи лӕггад кӕны ӕмӕ йын чи нӕ лӕггад кӕны, уыдон кӕрӕдзийӕ цӕмӕй хицӕн кӕнынц, уый»+.