Псалом

138 Кадджын дӕ кӕндзынӕн ӕппӕт зӕрдӕйӕ+.

Зардзынӕн дын иннӕ хуыцӕутты раз+.

 2 Дӕ рухс кувӕндоны ’рдӕм мӕ сӕрӕй ныллӕг акувдзынӕн+

Ӕмӕ дын дӕ ном кадджын кӕндзынӕн+

Де ’нувыд уарзты тыххӕй+ ӕмӕ дӕ рӕстдзинады* тыххӕй+.

Уымӕн ӕмӕ ды дӕ ныхас систай+ дӕ номӕй дӕр бӕрзонддӕр+.

 3 Цы бон дӕм фӕсидтӕн, уыцы бон мын дзуапп радтай+.

Мӕ зӕрдӕ мын сфидар кодтай, хъару мӕ бауагътай+.

 4 О Йегъовӕ, зӕххон паддзӕхтӕ дӕ иууылдӕр кадджын кӕндзысты+,

Уымӕн ӕмӕ фехъусдзысты дӕ ныхӕстӕ.

 5 Уыдон зардзысты Йегъовӕйы фӕндӕгты тыххӕй+,

Уымӕн ӕмӕ стыр у Йегъовӕйы кад+.

 6 Йегъовӕ бады бӕрзондыл, фӕлӕ сӕрныллӕг адӕймаджы уыны+,

Сӕрбӕрзонд чи у, уыимӕ та йын иумӕйагӕй ницы ис+.

 7 Зын уавӕры куы бахауон, уӕд мӕ ды бахъахъхъӕндзынӕ+.

Ме знӕгтӕ мӕстӕй кӕй фыцынц, уый тыххӕй дӕ къух сисдзынӕ+,

Ӕмӕ мӕ дӕ рахиз къух фервӕзын кӕндзӕн+.

 8 Йегъовӕ кӕронмӕ ахӕццӕ кӕндзӕн, мӕн тыххӕй цы аразы, уый+.

О Йегъовӕ, де ’нувыд уарзт у ӕнустӕм+.

Ма ныууадз, дӕ къухтӕ кӕуыл фӕфыдӕбон кодтой, уыдоны+.