Псалом

40 Ӕз мӕ ныфс фидарӕй дардтон Йегъовӕйыл+,

Ӕмӕ мӕм уый йӕ хъус ӕрдардта ӕмӕ мын мӕ дзыназын фехъуыста+.

 2 Систа мӕ, дӕттӕ кӕм абухынц, уыцы дзыхъхъӕй+,

Арф цъымарайӕ+.

Мӕ къӕхтӕ мын сӕвӕрдта къӕдзӕхыл+,

Сфидар мын кодта мӕ къахдзӕфтӕ+.

 3 Стӕй мын ме ’взагыл сӕвӕрдта ног зарӕг,

Кады зарӕг нӕ Хуыцауӕн+.

Бирӕтӕ уый фендзысты, ӕмӕ сӕ тас бацӕудзӕн+,

Ӕмӕ сӕ зӕрдӕ дардзысты Йегъовӕйыл+.

 4 Амондджын у, йӕ зӕрдӕ Йегъовӕйыл чи дары, уыцы адӕймаг+.

Уый йе ’ргом не здахы ӕнӕсӕттон адӕммӕ

Ӕмӕ мӕнгдзинады фӕндагыл чи бафтыд, уыдонмӕ+.

 5 Бирӕ хъуыддӕгтӕ сарӕзтай+,

О Йегъовӕ, мӕ Хуыцау, бирӕ сты дӕ диссаджы хъуыддӕгтӕ, ӕмӕ дӕм бирӕ хъуыдытӕ ис мах тыххӕй+.

Дӕу хуызӕн ничи у+.

Ӕз дзурдзынӕн ӕмӕ хъусын кӕндзынӕн уыцы хъуыддӕгты тыххӕй.

Уыйбӕрц сты, ӕмӕ сӕ мӕ бон банымайын нӕ бауыдзӕн+.

 6 Дӕу нывонд ӕмӕ кувинаг нӕ хъуыд+.

Ды мын байгом кодтай мӕ хъустӕ+.

Ды нӕ агуырдтай судзинаг нывонд ӕмӕ тӕригъӕды тыххӕй нывонд+.

 7 Ӕмӕ ӕз загътон: «Ӕз ӕрцыдтӕн+,

Мӕн тыххӕй чиныджы тыхтоны фыст куыд у, афтӕ+.

 8 О мӕ Хуыцау, дӕ фӕндон ӕххӕст кӕнын мын у цины хос+.

Дӕ закъон ис мӕ зӕрдӕйы+.

 9 Ӕз рӕстдзинады тыххӕй хорз хабар хъусын кӕнын стыр ӕмбырды+,

Хъусӕй нӕ лӕууын+.

Ды уый дӕхӕдӕг хорз зоныс, о Йегъовӕ+.

10 Дӕ рӕстдзинад мӕ зӕрдӕйы ӕмбӕхстӕй нӕ дарын+.

Ӕз хъусын кӕнын дӕ иузӕрдиондзинады тыххӕй ӕмӕ, цы ирвӕзындзинад дӕттыс, уый тыххӕй+.

Нӕ сусӕг кӕнын де ’нувыд уарзт ӕмӕ дӕ рӕстдзинад* стыр ӕмбырды раз»+.

11 О Йегъовӕ, ма мын ӕвгъау кӕн дӕ фӕлмӕнзӕрдӕдзинад+.

Ӕдзухдӕр мӕ хъахъхъӕнӕнт де ’нувыд уарзт ӕмӕ дӕ рӕстдзинад+,

12 Уымӕн ӕмӕ мыл бӕллӕхтӕ ӕртыхстысты, нымӕц дӕр сын нӕй+.

Мӕ рӕдыдтытӕ уыйбӕрц сты, ӕмӕ сӕ уынгӕ дӕр нал кӕнын+,

Мӕ сӕрыхъуынтӕй фылдӕр фесты+,

Ӕмӕ мӕ зӕрдӕ амард+.

13 О Йегъовӕ, курын дӕ, фервӕзын мӕ кӕн+.

О Йегъовӕ, тагъддӕр мӕм фӕзын ӕххуысмӕ+.

14 Марынмӕ мӕ чи хъавы+, уыдон се ’ппӕт дӕр

Фӕхудинаг уӕнт ӕмӕ сӕ худинаджы хъӕр айхъуысӕд+.

Мӕ мастыл мын чи цин кӕны, уыдон лидзӕг фӕуӕнт ӕмӕ фегад уӕнт+.

15 Мӕнӕн афтӕ чи дзуры: «Афтӕ дын! Афтӕ!»+,

Уыдон фырхудинагӕй сӕ бынӕтты бандзыг уӕнт+.

16 Чи дӕ агуры+, уыдон се ’ппӕт дӕр

Цин кӕнӕнт, ды у се стыр цин+.

Цы ирвӕзындзинад дӕттыс, уымӕ чи бӕллы+,

Уыдон ӕдзухдӕр дзурӕнт: «Скадджын уӕд Йегъовӕ!»+

17 Ӕз та дӕн ӕфхӕрд ӕмӕ мӕгуыр адӕймаг+.

Фӕлӕ Йегъовӕйӕ рох нӕ дӕн+.

Ды дӕ ме ’ххуысгӕнӕг ӕмӕ мӕ Ирвӕзынгӕнӕг+.

О мӕ Хуыцау, ма бафӕстиат кӕн+.