Псалом

125 Йӕ зӕрдӕ Йегъовӕйыл чи дары+,

Уыдон сты Сионы хохы хуызӕн+ – нӕй йын фӕцудӕн, уый лӕудзӕн ӕнустӕм+.

 2 Хӕхтӕ Иерусалимы алыварс куыд лӕууынц+,

Афтӕ Йегъовӕ лӕууы йӕ адӕмы алыварс+,

Ныр дӕр ӕмӕ ӕнустӕм дӕр+.

 3 Рӕстгӕнджытӕн бынӕн цы зӕхх баззад, уый фыдгӕнджыты лӕдзӕджы бын ӕдзух нӕ уыдзӕн+,

Цӕмӕй рӕстгӕнджытӕ фыдхъуыддӕгтыл ма бафтой+.

 4 О Йегъовӕ, хорздзинад ракӕн хорз адӕмӕн+,

Рӕстзӕрдӕ адӕмӕн+.

 5 Зылын фӕндӕгтӕм чи аздӕхт+,

Уыдоны та Йегъовӕ бафхӕрдзӕн, фыдхъуыддӕгтӕ чи кӕны, уыдонимӕ иумӕ+.

Израил хайджын уӕд фарнӕй!+