Псалом

58 Хъусӕй лӕугӕйӕ уӕ бон у рӕстдзинадыл дзурын?+

Уӕ бон у рӕстӕй тӕрхон кӕнын, адӕймаджы фырттӕ?+

 2 Нӕ, сымах зӕххыл зӕрдӕйӕ аразут фыдхъуыддӕгтӕ+

Ӕмӕ фӕндаг цӕттӕ кӕнут уӕ къухтӕй фыддзинад ракӕнынӕн!+

 3 Фыдгӕнджытӕ сӕ мады гуыбынӕй сты хӕлд+,

Сӕ райгуырдӕй фӕстӕмӕ сты зылын фӕндагыл,

Кӕнынц мӕнг ныхӕстӕ+.

 4 Сӕ марг у калмы марг+,

Уыдон сты кобрӕйау къуырма – уый йӕ хъустӕ сӕхгӕны+

 5 Ӕмӕ кӕлӕнгӕнджыты хъӕлӕсмӕ нӕ фӕхъусы+,

Кӕд кӕлӕнтӕм дӕсны сты, уӕддӕр+.

 6 О Хуыцау, базгъал сын сӕ дӕндӕгтӕ+.

О Йегъовӕ, ныппырх кӕн домбӕйттӕн се ’фсӕртӕ.

 7 Дӕттӕ куыд ацӕуынц, афтӕ уыдон дӕр фесӕфӕнт+,

Йе ’рдын ӕркъӕдз кӕнӕд ӕмӕ йӕ фаттӕ фехсӕд, ӕмӕ ӕрхаудзысты+.

 8 Сӕтӕлӕг куыд батайы, афтӕ тайынц уыдон дӕр.

Мардӕй цы сывӕллон райгуыры, уыйау хуры рухс нӕ фендзысты+.

 9 Уӕ цуайнӕгтӕм сындзкъутӕрты арт нӕма бахъардзӕн+,

Афтӕ Хуыцау, цыма тыхдымгӕ рацыд, уыйау ахӕсдзӕн цъӕх къутӕр дӕр ӕмӕ судзгӕ къутӕр дӕр+.

10 Рӕстгӕнӕг цин кӕндзӕн, Хуыцау фыдгӕнджытӕй йӕ маст кӕй исы, уый фенгӕйӕ+.

Ӕмӕ сын сӕ туджы йӕ къӕхтӕ ныхсдзӕн+.

11 Ӕмӕ адӕм зӕгъдзысты+: «Ис хӕрзиуӕг рӕстгӕнӕгӕн+.

Ис Хуыцау, зӕххӕн тӕрхон чи кӕны, уый»+.