Амонӕгӕн. Лилитӕ+. Зӕрдыл ӕрлӕууын кӕнынӕн. Асафы+ псалом. Зарӕг.
80 О Израилы Фыййау, дӕ хъус ӕрдар+,
Ды, Иосифы фысты дзугау чи кӕны, уый+.
Хурау ракӕс+, херувимтыл+ чи бады, уыцы Хуыцау.
2 Ефрем, Вениамин ӕмӕ Манассийы раз равдис дӕ хъомыс+,
Ӕрцу, фервӕзын нӕ кӕн+.
3 О Хуыцау, ӕркӕн нӕ фӕстӕмӕ+.
Дӕ цӕсгомы рухс нӕм раздах, цӕмӕй фервӕзӕм+.
4 О Йегъовӕ, ӕфсӕдты Хуыцау, дӕ адӕмы куывдтытӕм кӕдмӕ мӕсты кӕндзынӕ?+
5 Цӕссыгӕй сӕ дзулау ӕфсадыс+,
Къусы дзаг сын нуазын кӕныс цӕссыг+.
6 Ды афтӕ бакодтай, ӕмӕ ныл нӕ сыхӕгтӕ кӕрӕдзи тонынц+,
Не знӕгтӕ нӕ хынджылӕг кӕнынц, куыд сӕ фӕнды, афтӕ+.
7 О ӕфсӕдты Хуыцау, ӕркӕн нӕ фӕстӕмӕ+.
Дӕ цӕсгомы рухс нӕм раздах, цӕмӕй фервӕзӕм+.
8 Ды Египетӕй ӕрбахастай сӕнӕфсирбӕлас+.
Ӕмӕ иннӕ адӕмты фӕсырдтай, цӕмӕй йӕ ныссагътаис+.
9 Ды йын бынат ссыгъдӕг кодтай+, цӕмӕй уидӕгтӕ ауагътаид ӕмӕ зӕхх ӕнӕхъӕнӕй дӕр бацахстаид+.
10 Йӕ аууонӕй ӕмбӕрзта хӕхтӕ
Ӕмӕ йӕ къалиутӕй – Хуыцауы кедртӕ+.
11 Йӕ къалиутӕ айвӕзта суанг денджызы онг+
Ӕмӕ йӕ цӕнгтӕ – Стыр цӕугӕдоны онг+.
12 Цӕмӕн ын ныппырх кодтай йӕ дурӕй амад къултӕ+,
Ӕмӕ фӕндагыл йӕ рӕзты чи фӕцӕйцӕуы, уыдон ын иууылдӕр йӕ дыргътӕ цӕмӕн тонынц?+
13 Хъӕддаг хуы йӕ хӕры+
Ӕмӕ дзы бирӕ быдырон сырдтӕ сӕхи ӕфсадынц+.
14 О ӕфсӕдты Хуыцау, лӕгъстӕ дын кӕнӕм, раздӕх+,
Уӕларвӕй ӕркӕс уыцы сӕнӕфсирбӕласмӕ ӕмӕ йӕм базил+,
15 Дӕ рахиз къухӕй кӕй ныссагътай, уыцы бӕласмӕ+,
Ӕркӕс дӕ фыртмӕ, дӕхи тыххӕй кӕй сфидар кодтай, уымӕ+.
16 Арты хай баци, акалдтой йӕ+.
Уыдон сӕфынц дӕ карз уайдзӕфӕй+.
17 Дӕ арм дар, дӕ рахиз фарс чи ис, уыцы адӕймагыл+,
Адӕймаджы фыртыл, дӕхи тыххӕй кӕй сфидар кодтай, ууыл+.
18 Мах дӕ нӕ ныууадздзыстӕм+.
Фервӕзын нӕ кӕн, цӕмӕй дын дӕ ном арӕм+.
19 О Йегъовӕ, ӕфсӕдты Хуыцау, ӕркӕн нӕ фӕстӕмӕ+.
Дӕ цӕсгомы рухс нӕм раздах, цӕмӕй фервӕзӕм+.