Псалом

81 Фырцинӕй зарут Хуыцауӕн, нӕ хъаруйӕн+.

Фырцинӕй хъӕр кӕнут ӕмӕ зарут Иаковы Хуыцауӕн+.

 2 Ӕрцӕгъдут+, райсут дала+,

Зӕрдӕрӕвдауӕг дыууадӕстӕнон фӕндыр ӕмӕ хъисфӕндыр+.

 3 Мӕй куы сног уа, уӕд сыкъайӕ ныууасут+,

Ӕмӕ мӕй цалхыдзаг куы суа, уӕд сыкъайӕ ныууасут нӕ бӕрӕгбоны номыл+.

 4 Уымӕн ӕмӕ уый Израилӕн у закъон+,

Иаковы Хуыцауы тӕрхоны уынаффӕ.

 5 Иосифӕн ӕй радта зӕрдыл лӕууын кӕнынӕн+,

Египеты зӕххыл куы фӕцӕйцыд, уӕд+.

Ӕз хъуыстон ӕнӕзонгӕ ӕвзаг+.

 6 Хуыцау зӕгъы: «Ӕз ын йӕ уаргъ йе уӕхскӕй райстон+,

Ӕмӕ йӕ къухтӕ ссӕрибар сты чыргъӕдӕй+.

 7 Зын сахат ӕххуысмӕ фӕсидтӕ, ӕмӕ дӕ ӕз фервӕзын кодтон+.

Арвнӕрд кӕм ӕмбӕхст, уырдыгӕй дын дзуапп радтон+.

Бафӕлвӕрдтон дӕ Меривӕйы дӕтты раз+. (Села́)

 8 Байхъусут мӕм, о мӕ адӕм, ӕмӕ ӕз ӕвдисӕн ныллӕудзынӕн дӕ ныхмӕ+,

О Израил, кӕд мӕм хъусай, уӕд+.

 9 Уӕд уе ’хсӕн ӕндӕр хуыцау нӕ уыдзӕн+,

Ӕмӕ ӕцӕгӕлон хуыцауы раз уӕ зонгуытыл нӕ лӕудзыстут+.

10 Ӕз дӕн Йегъовӕ, дӕ Хуыцау+,

Ӕз дӕ ракодтон Египеты зӕххӕй+.

Дӕ дзых байгом кӕн, ӕмӕ дын ӕй хӕринагӕй байдзаг кӕнон+.

11 Фӕлӕ мӕм мӕ адӕм нӕ байхъуыстой+,

Израилы ӕппындӕр нӕ бафӕндыд мӕ коммӕ кӕсын+.

12 Ӕмӕ сӕ ӕз дӕр ауагътон сӕ хивӕнд зӕрдӕйы фӕдыл+.

Уыдон цыдысты сӕхи фӕндтыл+.

13 Тӕхуды, ӕмӕ мӕм мӕ адӕм куы хъуыстаиккой!+

Тӕхуды, ӕмӕ Израил мӕ фӕндӕгтыл куы цыдаид!+

14 Уӕд сын се знӕгты тагъд басастаин+,

Сӕ фыдгултӕм мӕ къух систаин+.

15 Йегъовӕйӕ йе сӕфт чи уыны, уыдон йӕ разы кӕндзысты зӕрдӕлхӕнӕн митӕ+,

Ӕмӕ сӕ рӕстӕг ахӕсдзӕн ӕнустӕм.

16 Ӕз мӕ адӕмӕн дӕтдзынӕн мӕнӕуы хуыздӕр*+,

Къӕдзӕхӕй мыд исдзынӕн ӕмӕ сӕ ӕфсаддзынӕн»+.