Псалом

88 О Йегъовӕ, мӕ ирвӕзынгӕнӕг Хуыцау+,

Бонӕй дӕм дзыназын+,

Ӕмӕ ӕхсӕв дӕр дзыназын дӕ разы+.

 2 Дӕумӕ ссӕудзӕн мӕ куывд+.

Фехъус мын мӕ дзыназын+,

 3 Уымӕн ӕмӕ мӕ уд мӕстытӕй йӕ хъуырмӕ сси+,

Мӕ цард лӕууы ингӕны* былыл+.

 4 Кӕсынц мӕм, цыма ингӕны былыл лӕууын, уыйау+.

Ӕз сдӕн, йӕ бон ӕппындӕр кӕмӕн ницы у, ахӕм адӕймаджы хуызӕн+,

 5 Ссӕрибар дӕн, мард чи у, уыдонау+,

Кӕй амардтой ӕмӕ ингӕны чи хуыссы+,

Хъуыды дӕр кӕй нал ӕркӕныс

Ӕмӕ де ’ххуысы къух кӕмӕ нӕ хӕццӕ кӕны, уыдонау+.

 6 Ды мӕ нывӕрдтай арф ингӕны,

Талынджы, дӕлдзӕхы+.

 7 Дӕ фыдӕх мыл ныккалд+,

Де знӕт уылӕнтӕй мӕ хойыс+. (Села́)

 8 Ды афтӕ бакодтай, ӕмӕ мӕм мӕ зонгӕтӕ хӕстӕг нал цӕуынц+,

Сӕнад мӕ кодтай уыдонӕн+.

Ӕз дӕн ахст лӕджы хуызӕн ӕмӕ мӕ бон рацӕуын нӕу+.

 9 Фырмастӕй мӕ цӕстырухс батар+.

Ӕнӕхъӕн бон дӕумӕ дзыназын, о Йегъовӕ+,

Дӕумӕ ивазын мӕ къухтӕ+.

10 Чи амард, уыдоны тыххӕй диссӕгтӕ араздзынӕ?+

Кӕнӕ, мард чи у, уыдон сыстдзысты+

Ӕмӕ дӕ кадджын кӕндзысты?+ (Села́)

11 Мыййаг, де ’нувыд уарзты тыххӕй ингӕны дзурдзысты

Ӕмӕ дӕ иузӕрдиондзинады тыххӕй – сау сыджыты*?+

12 Дӕ диссӕгтӕ дын талынджы базондзысты?+

Кӕнӕ дӕ рӕстдзинад – ӕппӕт дӕр кӕм ферох вӕййы, уыцы бӕстӕйы?+

13 Фӕлӕ уӕддӕр, о Йегъовӕ, дӕумӕ сидын ӕххуысмӕ+,

Райсомӕй дӕм ссӕуы мӕ куывд+.

14 О Йегъовӕ, мӕ уд мын дӕхицӕй цӕмӕн ӕппарыс?+

Цӕмӕн мӕ ӕмбӕхсыс дӕ цӕсгом?+

15 Мӕ лӕппуйы бонтӕй фӕстӕмӕ ӕййафын ӕфхӕрд ӕмӕ кӕсын мӕлӕты цӕстытӕм+.

Бирӕ дудгӕбӕттӕ мын бавзарын кодтай+.

16 Дӕ судзгӕ масты цӕхӕртӕ мӕ сӕрты тахтысты+,

Цы бӕллӕхтӕ мын бавзарын кодтай, уыдон мӕ амардтой+.

17 Бон-изӕрмӕ донау мӕ алыварс лӕууынц+,

Алырдыгӕй мыл иууылдӕр иумӕ ныккалдысты.

18 Ды афтӕ бакодтай, ӕмӕ мӕм мӕ хӕлар ӕмӕ ме ’рдхорд хӕстӕг нал цӕуынц+.

Мӕ иунӕг ӕмбал у талынг+.