Псалом

75 Арфӕ дын кӕнӕм, о Хуыцау, арфӕ дын кӕнӕм+,

Дӕ ном ис немӕ+.

Адӕм хъусын кӕндзысты дӕ диссаджы хъуыддӕгты тыххӕй+.

 2 «Ӕз бӕлвырд рӕстӕг равзӕрстон+,

Райдыдтон рӕстӕй тӕрхон кӕнын+.

 3 Зӕхх ӕмӕ йе ’ппӕт цӕрджытӕ фыртӕссӕй куы атадысты+,

Уӕд ын ӕз йӕ быцӕутӕ бараст кодтон»+. (Села́)

 4 Ӕз ӕнӕзӕндтӕн загътон: «Ӕнӕзонд ма ут»+.

Фыдгӕнджытӕн загътон: «Уӕ сыкъа* бӕрзонд ма исут+.

 5 Ма исут уӕ сыкъа уӕлӕмӕ.

Схъӕл ныхас ма кӕнут+,

 6 Уымӕн ӕмӕ, адӕймаджы цы бӕрзонд кӕны, уый не ’рцӕуы нӕдӕр скӕсӕнӕй,

Нӕдӕр ныгуылӕнӕй, нӕдӕр хуссарӕй.

 7 Хуыцау у тӕрхонгӕнӕг+.

Иуы ӕрныллӕг кӕны, иннӕйы та сбӕрзонд кӕны+.

 8 Йегъовӕйы къухы ис къус+,

Ӕмӕ дзы сӕн фынк кӕны. Уыцы къус дзаг у хъӕбӕр сӕнӕй.

Уый йын йӕ бынтӕ акалдзӕн,

Ӕмӕ сӕ нуаздзысты зӕххыл цӕрӕг фыдгӕнджытӕ се ’ппӕт дӕр, ницыуал дзы ныууадздзысты»+.

 9 Ӕз та уый тыххӕй дзурдзынӕн ӕнустӕм.

Ӕз зардзынӕн Иаковы Хуыцауӕн+.

10 «Ӕз фыдгӕнджыты сыкъатӕ иууылдӕр ныссӕтдзынӕн»+.

Рӕстгӕнӕджы сыкъа та сбӕрзонд уыдзӕн+.