Амонӕгӕн. Хъисфӕндыртыл. Асафы+ псалом. Зарӕг.
76 Хуыцауы зонынц Иудӕйы+,
Йӕ ном кадджын у Израилы+.
2 Йе ’мбӕхсӕн бынат ис Салимы+,
Йӕ цӕрӕнбынат – Сионыл+.
3 Уым ныссаста судзгӕ фаттӕ+,
Уарт ӕмӕ хъама ӕмӕ баурӕдта хӕст+. (Села́)
4 Ды ӕнӕхъӕнӕй дӕ рухсы фӕлыст, тугдзых хӕхтӕ дӕр дӕ разы ницы сты+.
5 Зӕрдӕйӕ фидар чи у, уыдоны бастыгътой+,
Бафынӕй сты+.
Хъӕбатыртӕй иумӕ дӕр хъару нӕй, цӕмӕй ныхмӕ ӕрлӕууа+.
6 Де ’фхӕрдӕй, о Иаковы Хуыцау, бӕхтӕрӕг дӕр ӕмӕ бӕх дӕр тарф фынӕй баисты+.
7 Ды адӕймагыл ӕфтауыс тас+,
Ӕмӕ дӕ маст куы ссудза, уӕд чи бафӕраздзӕн дӕ разы фӕлӕууын?+
8 Уӕлӕрвтӕй фехъусын кодтай тӕрхон+.
Ӕмӕ зӕххыл цӕрӕг адӕм фӕтарстысты ӕмӕ ныссабыр сты+,
9 Ды, Хуыцау, тӕрхон кӕнынмӕ куы сыстадтӕ, уӕд+,
Цӕмӕй фервӕзын кӕнай, зӕххыл цыдӕриддӕр сабыр адӕм ис, уыдоны+. (Села́)
10 Адӕймагӕн йӕ фыдӕх дӕр дӕуӕн кад ӕрхӕсдзӕн+,
Йӕ масты фӕстаг пырхӕнтӕй дӕхи срӕсугъд кӕндзынӕ.
11 Расомы кӕнут уӕ Хуыцау Йегъовӕйӕн ӕмӕ сӕххӕст кӕнут уӕ сомытӕ, йӕ алыварс чидӕриддӕр ис, уыдон+.
Тӕрсут дзы, афтӕмӕй йын ӕрхӕссут лӕвар+.
12 Уый ӕрсӕтдзӕн хицӕутты сӕрбӕрзонддзинад+.
Зӕххон паддзӕхтыл тас ӕфтауы+.