Йезекил

19 «Ды та хъарӕг кӕн+ Израилы сӕргълӕуджыты тыххӕй+. 2 Зӕгъ афтӕ: „Чи уыди дӕ мад? Сыл домбай домбӕйтты ’хсӕн+. Уый хуыссыди тыхджын домбӕйтты астӕу, хаста йӕ лӕппынты.

3 Афтӕмӕй йӕ лӕппынтӕй иуы схаста+, ӕмӕ уый сси тыхджын домбай, сахуыр цуан кӕнын+. Суанг-иу адӕймаджы дӕр бахордта. 4 Адӕмтӕ йын йӕ кой фехъуыстой, ӕмӕ уый ныххауд сӕ дзыхъхъы. Уӕд ыл уыдон бакодтой цӕгтӕ ӕмӕ йӕ акодтой Египеты зӕхмӕ+.

5 Сыл домбай куы бамбӕрста, ӕмӕ дзӕгъӕлы ӕнхъӕлмӕ кӕсы ӕмӕ йӕ ницыуал ныфс ис, уӕд райста йӕ лӕппынтӕй ӕндӕры+, схаста йӕ, ӕмӕ дзы рауад тыхджын домбай. 6 Уый райдыдта домбӕйттимӕ цӕуын. О, уый сси тыхджын домбай, сахуыр цуан кӕнын+. Суанг-иу адӕймаджы дӕр бахордта+. 7 Уый-иу базыдта, адӕмы цӕрӕн мӕсгуытӕ кӕм сты, уый, ӕмӕ-иу сын сӕ горӕттӕ дӕр сафтид кодта+. Гъемӕ-иу зӕхх сси ӕдзӕрӕг бӕстӕйы хуызӕн ӕмӕ-иу дзы йӕ богъ-богъ йеддӕмӕ ницыуал хъуыст+. 8 Уӕд, йӕ алыварс чи уыди, уыцы дӕлбар бӕстӕтӕй адӕмтӕ йӕ ныхмӕ рацыдысты+, сӕ хыз ыл баппӕрстой+, ӕмӕ сӕ дзыхъхъы ныххауд+. 9 Ӕппынфӕстаг ыл бакодтой цӕгтӕ, бакодтой йӕ къалатийы ӕмӕ йӕ ӕрбакодтой Вавилоны паддзахмӕ+. Ӕрбакодтой йӕ ахсӕн хызты фӕрцы, цӕмӕй Израилы хӕхты йӕ хъӕр мауал хъуыстаид+.

10 Дӕ мад+ уыди дӕтты цур сагъд сӕнӕфсирбӕлас*+. Дон дзы бирӕ кӕй уыд, уый фӕрцы райдыдта дыргъ хӕссын ӕмӕ йӕ къалиутӕ айвӕзта+. 11 Йӕ къалиутӕ сфидар сты ӕмӕ сбӕззыдысты, цӕмӕй сӕ рауадаид хицӕутты лӕдзджытӕ+. Сӕнӕфсирбӕлас хӕрдмӕ фӕцыд, акаст иннӕ бӕлӕсты къалиуты сӕрты ӕмӕ, бӕрзонд ӕмӕ сыфтӕрджын кӕй уыди, уымӕй бӕрӕг дардта+. 12 Фӕлӕ йӕ ӕппынфӕстаг фырмӕстыйӕ бындзарӕй стыдтой+, зӕхмӕ йӕ фехстой, ӕмӕ йын скӕсӕйнаг дымгӕ йӕ дыргъ ахус кодта+. Йӕ фидар къалиу ын ӕрсастой, ӕмӕ бахус+. Арт ӕй аныхъуырдта+. 13 Ныр та сӕнӕфсирбӕлас сагъд у ӕдзӕрӕг быдыры+, ӕнӕдон ӕмӕ хус зӕххы+. 14 Ӕмӕ йӕ къалиуӕй рацыд арт+ ӕмӕ йын йӕ таутӕ ӕмӕ йӕ дыргътӕ аныхъуырдта. Ӕмӕ йыл нал баззад фидар къалиу, нал ыл баззад хицауы лӕдзӕг+.

Уый у хъарӕг ӕмӕ уый фӕстӕ дӕр уыдзӕн хъарӕг“»+.