Матфейы
18 Уыцы рӕстӕг Йесомӕ йӕ ахуыргӕнинӕгтӕ бацыдысты ӕмӕ йӕ бафарстой: «Уӕларвон паддзахады уӕлдӕрыл нымад чи у?»+2 Уӕд уый фӕдзырдта гыццыл сывӕллонмӕ, сӕ астӕу ӕй ӕрлӕууын кодта+ 3 ӕмӕ сын загъта: «Ӕцӕг уын зӕгъын: куы нӕ фӕиват ӕмӕ гыццыл сывӕллӕтты хуызӕн куы нӕ суат+, уӕд уӕларвон паддзахадмӕ нӕ бацӕудзыстут+. 4 Уӕдӕ йӕхи ацы гыццыл сабийау чи ӕрныллӕг кӕна+, уӕларвон паддзахады уӕлдӕрыл нымад уый уыдзӕн+. 5 Ӕмӕ иу ахӕм гыццыл сабийы мӕ номы тыххӕй чи суазӕг кӕна, уый суазӕг кӕндзӕн мӕн дӕр+. 6 Фӕлӕ, мӕныл чи ӕууӕнды, уыцы гыццылтӕй иуы дӕр чи фӕрӕдийын кӕна*, уымӕн та хуыздӕр уаид, йӕ хъуырыл ын куыройыдур*+ куы ӕрцауындзиккой ӕмӕ йӕ денджызӕн йӕ тӕккӕ арфмӕ куы ныппариккой+.
7 Мӕгуыр йӕ бон ацы дунейӕн, уымӕн ӕмӕ дзы бирӕ цӕлхдуртӕ ис! Ӕниу, цӕлхдуртӕн ӕнӕ уӕвгӕ нӕй+, фӕлӕ додой йӕ къона, уыцы цӕлхдуртӕ чи ӕвӕра+, уымӕн! 8 Уӕдӕ дӕ кӕд дӕ къух кӕнӕ дӕ къах рӕдийын кӕны*, уӕд ӕй ралыг кӕн ӕмӕ йӕ аппар+. Цӕйнӕфӕлтау дӕ дыууӕ къухимӕ кӕнӕ дыууӕ къахимӕ ӕнусон арты ныппарой, фӕлтау ӕнӕ къухӕй кӕнӕ ӕнӕ къахӕй бацу цардмӕ+. 9 Кӕд дӕ дӕ цӕст рӕдийын кӕны, уӕд уый дӕр скъах ӕмӕ йӕ аппар. Цӕйнӕфӕлтау дӕ дыууӕ цӕстимӕ гееннӕйы* арты ныппарой, фӕлтау сохъхъырӕй бацу цардмӕ+. 10 Уӕхимӕ кӕсут, ацы гыццылтӕй иуыл дӕр былысчъил куыд нӕ кӕнат, уымӕн ӕмӕ уын зӕгъын: уыдонӕн уӕлӕрвты сӕ зӕдтӕ+ ӕппынӕдзухдӕр уынынц мӕ уӕларвон Фыды цӕсгом+. 11* ––
12 Куыд хъуыды кӕнут? Искӕмӕ сӕдӕ фысы куы уа ӕмӕ дзы иу куы адзӕгъӕл уа+, уӕд нӕуӕдз фараст фысы хӕхты нӕ ныууадздзӕн ӕмӕ уыцы фысы агурӕг нӕ ацӕудзӕн?+ 13 Ӕмӕ йӕ куы ссара, уӕд, зӕгъын уын, чи нӕ адзӕгъӕл, уыцы нӕуӕдз фараст фысӕй ууыл тынгдӕр цин кӕндзӕн+. 14 Афтӕ мӕ уӕларвон Фыды дӕр нӕ фӕнды, цӕмӕй ацы гыццылтӕй иу дӕр фесӕфа+.
15 Де ’фсымӕр тӕригъӕд куы ракӕна, уӕд ӕм бацу ӕмӕ йын йӕ рӕдыд хибарӕй зӕгъ+. Кӕд дӕм байхъуса, уӕд ссардтай де ’фсымӕры+. 16 Кӕд дӕм нӕ байхъуса, уӕд демӕ акӕн ноджыдӕр иу кӕнӕ дыууӕ адӕймаджы, цӕмӕй алы хъуыддаг дӕр сбӕлвырд уа дыууӕ кӕнӕ ӕртӕ ӕвдисӕны ныхасмӕ гӕсгӕ+. 17 Кӕд уыдонмӕ дӕр нӕ байхъуса, уӕд та зӕгъ ӕмбырдӕн. Ӕмӕ ӕмбырдмӕ дӕр куы нӕ байхъуса, уӕд та дын иннӕ адӕмӕй+ ӕмӕ хъалонисджытӕй уӕлдай ма уӕд+.
18 Ӕцӕг уын зӕгъын: зӕххыл цы бабӕттат, уый уал раздӕр баст ӕрцӕудзӕн уӕлӕрвты, ӕмӕ зӕххыл цы райхалат, уый дӕр раздӕр хӕлд ӕрцӕудзӕн уӕлӕрвты+. 19 Ӕмӕ уын ноджыдӕр зӕгъын: зӕххыл сымахӕй дыууӕйӕ куы баныхас кӕной, ахсджиаг цы у, ахӕм исты ракурыныл, уӕд сын мӕ уӕларвон Фыд сӕ курдиат сӕххӕст кӕндзӕн+. 20 Уымӕн ӕмӕ мӕ номыл дыууӕйӕ кӕнӕ ӕртӕйӕ кӕм ӕрӕмбырд уой+, уым ӕз дӕр уыдзынӕн семӕ»+.
21 Уӕд та йӕм Петр бацыд ӕмӕ йӕ бафарста: «Хицау, ме ’фсымӕрӕн йӕ рӕдыд цал хатты хъуамӕ ныббарон?+ Авд хатты?»+ 22 Йесо йын дзуапп радта: «Зӕгъын дын: авд хатты нӕ, фӕлӕ ӕвдай авд хатты+.
23 Уӕларвон паддзахад абарӕн ис, йӕ цагъартӕй дзы чи цы дары, уый райсынвӕнд чи скодта+, ахӕм паддзахимӕ+. 24 Уыцы хъуыддагмӕ куы ӕрӕвнӕлдта, уӕд ӕм ӕрбакодтой, дӕс мин таланты* дзы чи дардта, уыцы лӕджы. 25 Фӕлӕ сӕ цӕмӕй бафыстаид, уый йӕм кӕй нӕ уыди, уымӕ гӕсгӕ паддзах бардзырд радта, зӕгъгӕ йын ауӕй кӕнут йӕхи дӕр, йӕ усы дӕр, йӕ сывӕллӕтты дӕр ӕмӕ йӕ исбон дӕр, ӕмӕ йӕ хӕс уымӕй бафидӕд+. 26 Уӕд цагъар йӕ разы йӕ зонгуытыл ӕрхауд ӕмӕ йын ныллӕгъстӕ кодта: „Иу гыццыл банхъӕлмӕ кӕс, ӕмӕ дӕ цы дарын, уый дын иууылдӕр бафиддзынӕн“. 27 Паддзах ын фӕтӕригъӕд кодта ӕмӕ йӕ ауагъта+, йӕ хӕс ын ныххатыр кодта+. 28 Фӕлӕ уыцы цагъар уырдыгӕй куы рацыд, уӕд ссардта, сӕдӕ динары+ дзы чи дардта, ахӕм адӕймаджы, йӕхи хуызӕн цагъары, ӕрцахста йӕ ӕмӕ йын йӕ хурхыл ныххӕцыд, цы мӕ дарыс, уый мын ратт, зӕгъгӕ. 29 Уӕд йе ’мбал цагъар йӕ разы ӕрхауд ӕмӕ йын ныллӕгъстӕ кодта: „Иу гыццыл банхъӕлмӕ кӕс+, ӕмӕ дын дӕ хӕс бафиддзынӕн“. 30 Фӕлӕ йын уый не сразы, ацыд ӕмӕ йӕ ахӕстоны бакӕнын кодта, цалынмӕ йын йӕ хӕс нӕ бафыстаид, уӕдмӕ. 31 Уый иннӕ цагъартӕ куы федтой, уӕд сын тынг хъыг уыди, ӕмӕ ацыдысты ӕмӕ ӕппӕт дӕр сӕ паддзахӕн радзырдтой+. 32 Уӕд паддзах уыцы цагъары ӕрбакӕнын кодта ӕмӕ йын загъта: „Саузӕрдӕ цагъар, ды мын куы ныллӕгъстӕ кодтай, уӕд дын ӕз дӕ хӕс иууылдӕр нӕ ныххатыр кодтон? 33 Ӕз дӕуӕн куыд фӕтӕригъӕд кодтон+, афтӕ дӕуӕн дӕр не ’мбӕлди де ’мбал цагъарӕн фӕтӕригъӕд кӕнын?“+ 34 Паддзах тынг смӕсты+ ӕмӕ йӕ ахӕстонгӕсты къухмӕ радта, цалынмӕ йӕ хӕс иууылдӕр нӕ бафыстаид, уӕдмӕ. 35 Афтӕ+ бакӕндзӕн сымахӕн дӕр мӕ уӕларвон Фыд, алчидӕр уӕ йе ’фсымӕрӕн зӕрдӕйӕ куы нӕ хатыр кӕна, уӕд»+.