Матфейы
3 Уыцы рӕстӕг Аргъауӕг Иоанн+ ӕрцыд Иудейӕйы ӕдзӕрӕг быдырмӕ+ ӕмӕ адӕмӕн хъусын кодта: 2 «Ӕрфӕсмон кӕнут+ уӕ тӕригъӕдтыл, уымӕн ӕмӕ уӕларвон паддзахад ӕрхӕстӕг»+. 3 Пехуымпар Исай+ дӕр ацы адӕймаджы тыххӕй загъта: «Байхъусут! Ӕдзӕрӕг быдыры чидӕр хъӕр кӕны: „Йегъовӕйӕн фӕндаг ӕрцӕттӕ кӕнут!+ Алӕгъз ын кӕнут йӕ цӕуӕнтӕ!“» 4 Иоаннӕн йӕ дарӕс уыд теуайы хъуынӕй+, йӕ астӕуыл та баст уыд сӕрак рон+. Хӕргӕ та кодта мӕтыхтӕ+ ӕмӕ хъӕддаг мыд+. 5 Иерусалимӕй, ӕгас Иудейӕйӕ ӕмӕ йӕм Иорданы алыварс бӕстӕй адӕм цыдысты, 6 ӕмӕ сын аргъуыд лӕвӕрдта Иорданы цӕугӕдоны+, ӕмӕ уыдон ӕргом састысты сӕ тӕригъӕдтыл.
7 Уый куы федта, ӕмӕ фарисейтӕй ӕмӕ саддукейтӕй+ дӕр бирӕтӕ, донаргъуыд кӕм лӕвӕрдта, уырдӕм ӕрбацӕуынц, уӕд сын загъта: «Уӕртӕ калмы+ мыггаг, чи уӕ сарӕзта уыцы зондыл, ӕмӕ алидзат, цы тӕрхон уӕм ӕнхъӕлмӕ кӕсы, уый азарӕй?+ 8 Кӕй ӕрфӕсмон кодтат, уый хъуыддагӕй равдисут*+. 9 Афтӕ ма хъуыды кӕнут, мах Авраамы цот стӕм+, зӕгъгӕ. Зӕгъын уын: Хуыцауӕн мӕнӕ ацы дуртӕй дӕр йӕ бон у Авраамӕн+ сывӕллӕттӕ скӕнын. 10 Фӕрӕт+ дӕр бӕласы рӕбын цӕттӕйӕ лӕууы. Ӕмӕ хорз дыргъ цы бӕласыл нӕ зайы, уый акалдзысты+ ӕмӕ йӕ арты баппардзысты+. 11 Ӕз уын аргъуыд дӕттын донӕй+, уӕ тӕригъӕдтыл кӕй ӕрфӕсмон кодтат+, уый тыххӕй, фӕлӕ, мӕ фӕстӕ чи ӕрбацӕуы+, уымӕ мӕнӕй фылдӕр бартӕ ис, ӕз уымӕн йӕ дзабыртӕ раласыны аккаг дӕр нӕ дӕн+. Уый уын аргъуыд дӕтдзӕн Хуыцауы сыгъдӕг тыхӕй+ ӕмӕ артӕй+. 12 Йӕ къухы ис дымгӕмӕдарӕн* фыййаг, ӕмӕ йӕ найгӕнӕн мус ныссыгъдӕг кӕндзӕн ӕмӕ йӕ мӕнӕу бафснайдзӕн хордоны+, зыгуым та басудздзӕн+ ӕнӕахуысгӕ арты».
13 Уый фӕстӕ Галилейӕйӕ+ Иорданмӕ ӕрбацыд Йесо, цӕмӕй йын Иоанн донаргъуыд+ раттаид. 14 Фӕлӕ йӕ уый нӕ уагъта, дзырдта йын: «Мӕнӕн ды хъуамӕ раттис донаргъуыд, ды та мӕнмӕ ӕрбацыдтӕ?» 15 Йесо та йын загъта: «Ныртӕккӕ афтӕ уӕд, уымӕн ӕмӕ нын афтӕ ӕмбӕлы, раст цыдӕриддӕр у, уый сӕххӕст кӕнын»+. Ӕмӕ йын уӕд Иоанн дӕр ницыуал загъта. 16 Йесо куыддӕр аргъуыд райста, афтӕ донӕй рахызт, ӕмӕ уӕд арв фегом+, ӕмӕ йын Иоанн йӕ сӕрмӕ федта Хуыцауы сыгъдӕг тых бӕлоны+ хуызы ӕрцӕйцӕугӕ+. 17 Ӕмӕ уӕларвӕй ӕрыхъуыст хъӕлӕс+: «Ай у мӕ уарзон+ Фырт+, мӕ зӕрдӕйы фӕндиаг Фырт»+.