Иов

17 Мӕ хъару* байсыст+, мӕ царды бонтӕн сӕ зынг ахуыссыд.

Ӕнхъӕлмӕ мӕм кӕсы уӕлмӕрд+.

 2 Хынджылӕг мӕ кӕнынц+,

Мӕ цӕстытӕ ӕдзух уынынц сӕ хивӕнд митӕ.

 3 Курын дӕ, мӕн тыххӕй дзырд ратт+.

Мӕ сӕрыл рахӕцыны номыл ма мӕм ӕндӕр йӕ къух чи ратдзӕн?+

 4 Ды сын сӕ зӕрдӕ сӕхгӕдтай, ӕмӕ сӕ зӕрдӕйы ӕмбаргӕдзинад нӕй+.

Ӕмӕ сӕ уый тыххӕй не сбӕрзонд кӕныс.

 5 Ахӕм адӕймаг йе ’мбӕлттӕн дзурдзӕн, цӕмӕй сӕ хай райсой,

Йӕхи фырттӕн та сӕ цӕстытӕ тартӕ кӕнынц+.

 6 Адӕмтӕн мӕ ӕмбисонд фӕкодта+,

Ӕмӕ мын мӕ цӕсгомыл тутӕ кӕнынц+.

 7 Мастӕй мӕ цӕстырухс тайы+,

Баззади ма мыл ӕрмӕст царм ӕмӕ стджытӕ.

 8 Рӕстзӕрдӕ адӕм уымӕ дисгӕнгӕ кӕсынц.

Ӕнаххос адӕймаг мӕсты кӕны, Хуыцауы чи ныууагъта, уымӕ.

 9 Рӕстгӕнӕг йӕ фӕндагыл фидар лӕууы+,

Йӕ къухтӕ сыгъдӕг кӕмӕн сты+, уымӕн йӕ хъаруйыл хъару ӕфты+.

10 Цӕй, ногӕй та дзурын райдайут.

Ӕз уе ’хсӕн иу зондджын адӕймаг дӕр нӕ уынын+.

11 Мӕнӕн мӕ бонтӕ фесты+, мӕ фӕндтӕй ницыуал рауад+,

Атадысты мӕ зӕрдӕйы бӕллицтӕ.

12 Уыдон бон ӕхсӕвӕй ивынц+, дзурынц:

„Тагъд срухс уыдзӕн“ – фӕлӕ ӕз талынг йеддӕмӕ куы ницы уынын.

13 Дарддӕр ма куы ’нхъӕлмӕ кӕсон, уӕд ингӕн* – мӕ хӕдзар+,

Мӕхицӕн хуыссӕн бакӕндзынӕн саудалынджы+.

14 Дзыхъхъӕн+ зӕгъдзынӕн: „Ды мӕ фыд дӕ!“

Къуыдыркалмӕн+ та: „Ды дӕ мӕ мад ӕмӕ мӕ хо!“

15 Уӕдӕ уӕд кӕм ис мӕ ныфс?+

Мӕ ныфс – исчи йӕ уыны?

16 Уый ныххиздзӕн ингӕны кулдуары размӕ,

Мӕхӕдӕг дӕр ӕмӕ мӕ ныфс дӕр сыджыты хай куы бауӕм, уӕд»+.