1 Коринфӕгтӕм

12 Мӕн фӕнды, ме ’фсымӕртӕ, цӕмӕй зонат, Хуыцауы сыгъдӕг тых кӕй дӕтты, уыцы курдиӕтты+ тыххӕй. 2 Уӕхӕдӕг ӕй зонут, иннӕ адӕмтӕй*+ ма куы уыдыстут, уӕд цыфӕнды ма арӕзтаиккат,– ӕппӕт дӕр уӕ разӕнгард кодта, дзурынхъом чи нӕу+, уыцы мӕнгхуыцӕуттӕн+ кувынмӕ. 3 Уымӕ гӕсгӕ мӕ фӕнды, цӕмӕй йӕ зонат, ӕмӕ Хуыцауы сыгъдӕг тых кӕй разӕнгард кӕны, уый афтӕ никуы зӕгъдзӕн: «Йесо ӕлгъыст у!»+ Ӕмӕ, «Йесо у Хицау!», зӕгъгӕ, афтӕ дӕр, сыгъдӕг тых кӕй разӕнгард кӕны, ӕрмӕстдӕр уый зӕгъдзӕн+.

4 Курдиӕттӕ* бирӕ сты+, фӕлӕ сӕ уыцы иу сыгъдӕг тых дӕтты+. 5 Ӕмӕ лӕггад кӕнӕн дӕр алы хуызы ис+, фӕлӕ нӕ Хицау уыцы иу у+. 6 Стӕй алкӕй мидӕг дӕр алыхуызон куыст цӕуы+, фӕлӕ алы куыст дӕр алкӕй мидӕг дӕр кӕны+ уыцы иу Хуыцау+. 7 Фӕлӕ Хуыцауы сыгъдӕг тых алкӕй мидӕг дӕр архайы иннӕты пайдайӕн+. 8 Зӕгъӕм, иуӕн сыгъдӕг тыхы фӕрцы лӕвӕрд цӕуы зондджын ныхас кӕныны+ курдиат, иннӕмӕн та уыцы сыгъдӕг тыхмӕ гӕсгӕ – зоныны+ курдиат*, 9 иннӕмӕн – уырнындзинад+ уыцы сыгъдӕг тыхӕй, аннӕмӕн та – иннӕты дзӕбӕх кӕныны+ курдиат уыцы сыгъдӕг тыхӕй; 10 иуӕн – диссӕгтӕ* аразыны+ курдиат, иннӕмӕн – пехуымпариуӕг кӕныны+ курдиат, аннӕмӕн – ныхӕстӕ Хуыцауӕй+ сты ӕви нӕ, уый зоныны+ курдиат; кӕмӕндӕр – ӕндӕр ӕвзӕгтыл дзурыны+ курдиат, кӕмӕндӕр та – тӕлмац кӕныны+ курдиат. 11 Фӕлӕ адӕттӕ иууылдӕр аразы уыцы иу сыгъдӕг тых+, ӕмӕ уыцы курдиӕттӕй алкӕмӕн дӕр хай кӕны+, куыд ӕй фӕнды, афтӕ+.

12 Буар иу куыд у, уӕнгтӕ та – бирӕ, ӕмӕ уыцы буары уӕнгтӕ иууылдӕр, кӕд бирӕ сты, уӕддӕр иу буары+ уӕнгтӕ куыд сты, афтӕ у Чырыстийы буар+ дӕр. 13 О, не ’ппӕт дӕр,– дзуттӕгтӕ стӕм ӕви грекъӕгтӕ, цагъартӕ ӕви сӕрибар адӕймӕгтӕ,– иу сыгъдӕг тыхӕй райстам аргъуыд+ ӕмӕ систӕм иу буар, ӕмӕ не ’ппӕтӕн дӕр иу сыгъдӕг тых ӕрцыд лӕвӕрд нуазынӕн+.

14 Ӕмӕ буар иу уӕнгӕй конд нӕу, фӕлӕ бирӕ уӕнгтӕй+. 15 Къах афтӕ куы зӕгъа, ӕз къух нӕ дӕн, ӕмӕ уымӕ гӕсгӕ буарӕй нӕ дӕн, зӕгъгӕ, уӕд ныр уый тыххӕй буарӕй нал у?+ 16 Науӕд хъус куы зӕгъа, ӕз цӕст нӕ дӕн, ӕмӕ уымӕ гӕсгӕ буарӕй нӕ дӕн, зӕгъгӕ, уӕд ныр уый тыххӕй буарӕй нал у?+ 17 Буар ӕнӕхъӕнӕй дӕр цӕст куы уаид, уӕд адӕймаг хъусгӕ та куыд кӕнид? Кӕнӕ буар ӕнӕхъӕнӕй дӕр хъус куы уаид, уӕд адӕймаг смудгӕ та куыд кӕнид? 18 Фӕлӕ Хуыцау буары уӕнгтӕй алкӕцы дӕр сӕвӕрдта, куыд ӕй бафӕндыд, афтӕ+.

19 Ӕмӕ уыдон иууылдӕр иу уӕнг+ куы уыдаиккой, уӕд ма уый цӕй буар уыдаид? 20 Фӕлӕ ныр уӕнгтӕ бирӕ+ сты, буар та – иу. 21 Цӕстӕн йӕ бон нӕу къухӕн афтӕ зӕгъын, ницӕмӕн мӕ хъӕуыс, зӕгъгӕ. Ӕмӕ сӕрӕн дӕр йӕ бон нӕу къӕхтӕн зӕгъын, ницӕмӕн мӕ хъӕут, зӕгъгӕ. 22 Нӕ, фӕлӕ буары уӕнгтӕй лӕмӕгъдӕр+ чи зыны, уыдон хъӕуынц ӕхсызгонӕй. 23 Ӕмӕ нӕм буары уӕнгтӕй ӕгуыдзӕгдӕр кӕцытӕ кӕсынц, уыдон ноджы буцдӕр дарӕм+, ӕмӕ афтӕмӕй нӕ буары ӕфсӕрмыйаг уӕнгтӕ свӕййынц зӕрдӕмӕдзӕугӕдӕр. 24 Буары зӕрдӕмӕдзӕугӕ цы уӕнгтӕ сты, уыдоны та уый нал хъӕуы. Фӕлӕ Хуыцау буар афтӕ скодта, ӕмӕ дзы уӕнгтӕй афтӕ кадджын чи нӕу, уый у буцдӕр, 25 цӕмӕй буары уӕнгтӕ ма ныддихтӕ уой, фӕлӕ кӕрӕдзийыл ӕмхуызонӕй тыхсой+. 26 Гъемӕ буары уӕнгтӕй иуӕн зын куы вӕййы, уӕд иннӕ уӕнгтӕн дӕр зын вӕййы+. Кӕнӕ буары уӕнгтӕй иу куы скадджын вӕййы+, уӕд иннӕ уӕнгтӕ дӕр йемӕ фӕцин кӕнынц+.

27 Сымах стут Чырыстийы буар, хицӕнтӕй та – йӕ буары уӕнгтӕ+. 28 Ӕмӕ буары уӕнгтӕ Хуыцау ӕмбырды сӕвӕрдта афтӕ+: фыццаг – апостолты+, дыккаг – пехуымпарты+, ӕртыккаг – ахуыргӕнджыты+, стӕй – диссӕгтӕ чи аразы, уыдоны+; уый фӕстӕ – дзӕбӕх кӕныны+ курдиат, дарддӕр – иннӕтӕн ӕххуыс кӕнын+, стӕй разамынд дӕттыны+ ӕмӕ ӕндӕр ӕвзӕгтыл дзурыны+ курдиат. 29 Мыййаг, иууылдӕр апостолтӕ сты? Науӕд иууылдӕр пехуымпартӕ сты? Науӕд иууылдӕр ахуыргӕнджытӕ сты? Иууылдӕр диссӕгтӕ аразынц? 30 Иннӕты дзӕбӕх кӕныны курдиат се ’ппӕтмӕ дӕр ис? Иууылдӕр дзурынц ӕндӕр ӕвзӕгтыл?+ Иууылдӕр тӕлмацгӕнджытӕ сты?+ 31 Фӕлӕ зӕрдиагӕй тырнут стырдӕр курдиӕттӕм+. Ӕз та уын ӕвдисын ӕппӕты хуыздӕр фӕндаг+.