Псалом

72 О Хуыцау, бацамон паддзахӕн дӕ тӕрхӕттӕ+

Ӕмӕ паддзахы фыртӕн – дӕ рӕстдзинад+.

 2 Уадз рӕстӕй ӕвзарӕд дӕ адӕмы хъуыддӕгтӕ+,

Ӕмӕ дӕ адӕмӕй ӕфхӕрд чи у, уыдоны хъуыддӕгтӕ – дӕ тӕрхӕттӕм гӕсгӕ+.

 3 Уадз хӕхтӕ ӕмӕ къуыбыртӕ адӕмӕн ӕрхӕссӕнт сабырдзинад+

Рӕстдзинады фӕрцы.

 4 Уадз тӕрхон кӕнӕд ӕфхӕрд адӕмӕн+,

Мӕгуыр адӕймаджы фыртты фервӕзын кӕнӕд

Ӕмӕ, иннӕтыл сайдӕй чи цӕуы, уый фесафӕд.

 5 Тӕрсдзысты дӕ, цалынмӕ уой хур+ ӕмӕ мӕй –

Фӕлтӕрӕй-фӕлтӕрмӕ+.

 6 Уый ӕрцӕудзӕн, къӕвда карст уыгӕрдӕныл куыд ӕрцӕуы, афтӕ+,

Ӕрцӕудзӕн, зӕхх чи бафсады, ахӕм тӕрккъӕвдайау+.

 7 Йӕ рӕстӕджы рӕстгӕнӕг дидинӕг калдзӕн+,

Ӕмӕ алы ран дӕр уыдзӕн сабырдзинад, цалынмӕ мӕй уа, уӕдмӕ+.

 8 Уыдзӕн ын дӕлбар адӕм иу денджызӕй иннӕ денджызы онг+

Ӕмӕ Стыр цӕугӕдонӕй*+ зӕххы кӕрӕтты онг+.

 9 Йӕ разы сӕ зонгуытыл ӕрхаудзысты ӕнӕдон бӕстӕйы цӕрджытӕ+,

Ӕмӕ йе знӕгтӕ сдӕрдзысты рыг+.

10 Фарсисы ӕмӕ сакъадӕхты паддзӕхтӕ+

Ӕрцӕудзысты лӕвӕрттимӕ+.

Савӕйы ӕмӕ Севӕйы паддзӕхтӕ

Ӕрхӕсдзысты хуынтӕ+.

11 Паддзӕхтӕ иууылдӕр йӕ разы ӕрхаудзысты+,

Адӕмтӕ йын се ’ппӕт дӕр лӕггад кӕндзысты+.

12 Уый фервӕзын кӕндзӕн, ӕххуысмӕ чи дзыназы, уыцы мӕгуыры+,

Ӕфхӕрд адӕймаджы ӕмӕ, ӕххуысгӕнӕг кӕмӕн нӕй, уыдоны+.

13 Уый фӕтӕригъӕд кӕндзӕн ӕххуысхъуаг ӕмӕ мӕгуыр адӕймагӕн+,

Ӕмӕ мӕгуырты удтӕ фервӕзын кӕндзӕн+.

14 Сӕ уд сын фервӕзын кӕндзӕн ӕфхӕрдӕй ӕмӕ тыхмийӕ,

Сӕ туг йӕ цӕсты уыдзӕн зынаргъ+.

15 Бирӕ цӕрӕд+ ӕмӕ йын Савӕйӕ сызгъӕрин ӕрхӕссӕнт+.

Ӕдзух уый тыххӕй кувӕнт.

Ӕнӕхъӕн бон ын арфӕ кӕнӕнт+.

16 Зӕххыл хор уыдзӕн парахат+,

Хӕхты цъуппытыл зӕу-зӕу кӕндзӕн+.

Паддзахы тыллӕг уыдзӕн Ливаны+ хъӕдау бӕркадджын,

Ӕмӕ горӕтты адӕм сбирӕ уыдзысты, зӕххыл кӕрдӕг куыд бирӕ ис, афтӕ+.

17 Йӕ ном уӕд ӕнустӕм+.

Йӕ номы кад нӕрӕд, цалынмӕ хур уа, уӕдмӕ.

Уый фӕрцы арфӕгонд ӕрцӕуӕнт адӕм+,

Ӕмӕ йӕ ӕппӕт адӕмтӕ дӕр хонӕнт амондджын+.

18 Табу Йегъовӕ Хуыцауӕн, Израилы Хуыцауӕн+,

Иунӕг уый аразы диссаджы хъуыддӕгтӕ+.

19 Табу йӕ кадджын номӕн ӕнустӕм+,

Ӕнӕхъӕн зӕхх дӕр байдзаг уӕд йӕ кадӕй+.

Аммен, аммен.