Иоанны
7 Уый фӕстӕ Йесо Галилейӕйы баззад, Иудейӕмӕ ацӕуын ӕй нӕ фӕндыд, уымӕн ӕмӕ йӕ дзуттӕгтӕ марынмӕ+ хъавыдысты. 2 Фӕлӕ дзуттӕгты бӕрӕгбонмӕ, Цатырты бӕрӕгбонмӕ+, бирӕ нал хъуыд, 3 ӕмӕ йын уымӕ гӕсгӕ йе ’фсымӕртӕ+ загътой: «Ардыгӕй Иудейӕмӕ ацу, цӕмӕй уым дӕр дӕ ахуыргӕнинӕгтӕ феной, цы хъуыддӕгтӕ аразыс, уый. 4 Уымӕн ӕмӕ, кӕй фӕфӕнды, цӕмӕй йӕ адӕм зоной, уый сусӕгӕй ницы фӕаразы. Кӕд ахӕм хъуыддӕгтӕ аразыс, уӕд дӕхи дунемӕ ӕргом равдис». 5 Афтӕмӕй та йыл йе ’фсымӕртӕ+ не ’ууӕндыдысты+. 6 Ӕмӕ сын уымӕ гӕсгӕ Йесо загъта: «Мӕнӕн мӕ рӕстӕг нӕма ’рцыд+, сымахӕн та уӕ рӕстӕг алкӕддӕр у. 7 Дуне сымахӕй йе сӕфт цӕй тыххӕй уына, уый нӕй, мӕнӕй та йе сӕфт уыны, уымӕн ӕмӕ ӕз ӕвдисӕн лӕууын, фыдхъуыддӕгтӕ кӕй кӕны, уый тыххӕй+. 8 Сымах ацӕут бӕрӕгбонмӕ. Ӕз уыцы бӕрӕгбонмӕ нӕма цӕуын, уымӕн ӕмӕ мӕ рӕстӕг+ нӕма ’рцыди»+. 9 Йесо сын уыцы ныхӕстӕ загъта, ӕмӕ Галилейӕйы баззад.
10 Фӕлӕ йе ’фсымӕртӕ бӕрӕгбонмӕ куы ацыдысты, уӕд йӕхӕдӕг дӕр ацыд, ӕрмӕст ӕргомӕй нӕ, фӕлӕ сусӕгӕй+. 11 Гъемӕ йӕ бӕрӕгбоны рӕстӕджы дзуттӕгтӕ агурын+ райдыдтой ӕмӕ дзырдтой: «Кӕм ис уыцы адӕймаг?» 12 Ӕмӕ Йесойы тыххӕй адӕм сусӕгӕй алы ныхӕстӕ кодтой+. Иутӕ дзырдтой: «Хорз адӕймаг у». Иннӕтӕ та: «Нӕ, уый адӕмы сайгӕ кӕны». 13 Ӕцӕг, Йесойы тыххӕй ӕргом дзурын ничи уӕндыд, уымӕн ӕмӕ дзуттӕгтӕй* тарстысты+.
14 Бӕрӕгбон йе ’мбисыл куы уыди, уӕд Йесо кувӕндонмӕ бацыд ӕмӕ адӕмы ахуыр кӕнын райдыдта+. 15 Дзуттӕгты разамонджытӕ та дис кодтой ӕмӕ дзырдтой: «Ацы адӕймаг дины скъолаты+ куы нӕ ахуыр кодта, уӕд уыдӕттӕ+ кӕцӕй зоны?» 16 Йесо сын дзуапп радта: «Ӕз цӕуыл ахуыр кӕнын, уый мӕхицӕй нӕу, фӕлӕ мӕ чи рарвыста, уымӕй+. 17 Уый фӕндон ӕххӕст кӕнын кӕй фӕнды, уый йӕ базондзӕн, цӕуыл ахуыр кӕнын, уый Хуыцауӕй+ у, ӕви мӕхи зондӕй дзурын. 18 Йӕхи зондӕй чи дзуры, уый йӕхи кадмӕ бӕллы. Фӕлӕ йӕ рарвитӕджы скадджын кӕныныл+ чи архайы, уый у ӕцӕг ӕмӕ йӕм мӕнгдзинадӕй ницы ис. 19 Моисей уын Закъон+ нӕ радта? Фӕлӕ уӕ иу дӕр уыцы Закъонмӕ нӕ хъусы. Цӕмӕн мӕ хъавут амарынмӕ?»+ 20 Адӕм та йын дзуапп радтой: «Ды хӕйрӕджджын+ куы дӕ. Чи дӕ хъавы марынмӕ?» 21 Йесо та сын загъта: «Ӕз иу хъуыддаг сарӕзтон+, ӕмӕ уе ’ппӕт дӕр дисы бафтыдыстут. 22 Уӕдӕ-ма ахъуыды кӕнут: Моисей уын радта сунӕт кӕныны закъон+ – уӕвгӕ, уыцы закъон Моисейӕ нӕу, фӕлӕ уын уӕ фыдӕлтӕй+ баззад,– ӕмӕ адӕймагӕн сабаты сунӕт скӕнут. 23 Ӕмӕ кӕд адӕймаг, цӕмӕй Моисейы закъон ма фехала, уый тыххӕй сабаты сунӕт скӕны, уӕд мӕм мӕстӕй цӕмӕн тонут, сабаты адӕймаджы кӕй сдзӕбӕх кодтон, уый тыххӕй?+ 24 Ӕддаг бакастмӕ гӕсгӕ мауал тӕрхон кӕнут, фӕлӕ раст тӕрхон кӕнут»+.
25 Уӕд Иерусалимы цӕрджытӕй иуӕй-иутӕ дзурын райдыдтой: «Ай, марынмӕ+ кӕй хъавынц, уыцы адӕймаг нӕу? 26 Фӕлӕ-ма акӕсут, адӕмимӕ ӕргомӕй+ ныхас кӕны, ӕмӕ йын ничи ницы дзуры. Ау, разамонджыты ӕцӕгдӕр бауырныдта, ӕмӕ уый Чырысти у?+ 27 Фӕлӕ йӕ куы зонӕм, кӕцӕй у ацы адӕймаг+. Чырысти куы ’рцӕуа, уӕд та ничи зондзӕн, кӕцӕй у, уый»+. 28 Уӕд Йесо, кувӕндоны адӕмы ахуыргӕнгӕйӕ, хъӕрӕй загъта: «Чи дӕн, уый дӕр зонут, ӕмӕ, кӕцӕй ӕрцыдтӕн, уый дӕр+. Ӕз мӕхи фӕндӕй не ’рцыдтӕн+, фӕлӕ мӕ чи рарвыста, уый ӕцӕгдӕр ис+, ӕмӕ йӕ сымах нӕ зонут+. 29 Ӕз та йӕ зонын+, уымӕн ӕмӕ уый номӕй дзурын. Уый мӕ рарвыста»+. 30 Ӕмӕ дзуттӕгты разамонджытӕ уый куы фехъуыстой, уӕд фадат агурын райдыдтой, цӕмӕй йӕ ӕрцахстаиккой+, фӕлӕ йӕм дзы ничи бавнӕлдта, уымӕн ӕмӕ йӕ рӕстӕг+ нӕма ’рцыд. 31 Фӕлӕ йыл адӕмӕй бирӕтӕ баууӕндыдысты+ ӕмӕ дзырдтой: «Чырысти куы ’рцӕуа, уӕд ма уый, ацы адӕймаг цы диссӕгтӕ+ сарӕзта, уымӕй фылдӕр диссӕгтӕ сараздзӕн?»
32 Адӕмы ’хсӕн Йесойы тыххӕй цы ныхӕстӕ цӕуы, уый фехъуыстой фарисейтӕ. Ӕмӕ сауджынты хистӕртӕ ӕмӕ фарисейтӕ кувӕндон хъахъхъӕнджыты арвыстой, цӕмӕй йӕ ’рцахстаиккой+. 33 Ӕмӕ уӕд Йесо загъта: «Иу гыццыл ма дӕн уемӕ, стӕй уӕд ацӕудзынӕн, чи мӕ рарвыста, уымӕ+. 34 Агурдзыстут ма мӕ+, фӕлӕ мӕ не ссардзыстут, ӕмӕ ӕз кӕм уыдзынӕн, уырдӕм сымахӕн уӕ бон ацӕуын нӕу»+. 35 Ӕмӕ уӕд дзуттӕгты разамонджытӕ кӕрӕдзийӕн дзурын райдыдтой: «Цымӕ ацы адӕймаг кӕдӕм цӕуинаг у, ӕмӕ йӕ мах ма ссарӕм? Мыййаг, грекъӕгты ’хсӕн чи ныппырх+, уыцы дзуттӕгтӕм цӕуинаг у ӕмӕ уым цӕрынмӕ хъавы, цӕмӕй грекъӕгты ахуыр кӕна? 36 Афтӕ куы загъта, агурдзыстут ма мӕ, фӕлӕ мӕ не ссардзыстут, ӕмӕ ӕз кӕм уыдзынӕн, уырдӕм уӕ бон ӕрцӕуын нӕу, зӕгъгӕ, уӕд уымӕй цы зӕгъинаг уыд?»
37 Бӕрӕгбоны фӕстаг бон+, ӕппӕты ахсджиагдӕр бон, Йесо слӕууыд ӕмӕ хъӕрӕй загъта: «Дойны+ кӕмӕн у, уый мӕм ӕрцӕуӕд ӕмӕ нуазӕд дон. 38 Мӕныл чи ’ууӕнды+, уымӕн, Фыстад куыд зӕгъы, афтӕ, „йӕ зӕрдӕйы арфӕй рагуылф кӕндзысты царддӕттӕг доны гуылфӕнтӕ“»+. 39 Ацы ныхӕстӕ та загъта Хуыцауы сыгъдӕг тыхы тыххӕй, чи йыл ӕууӕндыд, уыдон кӕмӕй хъуамӕ схайджын уыдаиккой, уый тыххӕй. Уыцы рӕстӕг Хуыцауы сыгъдӕг тыхӕй+ хайджын нӕма уыдысты, уымӕн ӕмӕ Йесо нӕма скадджын+. 40 Адӕм ацы ныхӕстӕ куы фехъуыстой, уӕд дзы чидӕртӕ дзырдтой: «Ай ӕцӕгдӕр, рагӕй фӕстӕмӕ кӕмӕ ӕнхъӕлмӕ кӕсӕм, уыцы пехуымпар у»+. 41 Иннӕтӕ та дзырдтой: «Уый Чырысти у»+. Фӕлӕ дзы уыди ахӕмтӕ дӕр, афтӕ чи дзырдта: «Исты Галилейӕйӕ+ ’рцӕудзӕн Чырысти?+ 42 Фыстад афтӕ нӕ зӕгъы, ӕмӕ Чырысти Давиды+ байзӕддаг уыдзӕн ӕмӕ, Давид кӕм цард, уыцы хъӕуӕй+, Вифлеемӕй+, ӕрцӕудзӕн?» 43 Гъемӕ Йесойы тыххӕй адӕм кӕрӕдзийы ныхмӕ систы+. 44 Кӕйдӕрты та дзы фӕндыди, цӕмӕй йӕ ’рцахстаиккой, фӕлӕ йӕм ничи бавнӕлдта.
45 Уӕд хъахъхъӕнджытӕ сауджынты хистӕртӕм ӕмӕ фарисейтӕм ӕрбаздӕхтысты, ӕмӕ сӕ фарисейтӕ бафарстой: «Цӕуылнӕ йӕ ӕрбакодтат?» 46 Хъахъхъӕнджытӕ сын дзуапп радтой: «Уыцы адӕймаг куыд дзуры, афтӕ никуы ничи дзырдта»+. 47 Фарисейтӕ та сын загътой: «Ау, сымах дӕр асайдта? 48 Разамонджытӕй кӕнӕ йыл фарисейтӕй исчи баууӕндыд?+ 49 Фӕлӕ ацы адӕм Закъон нӕ зонынц, ӕлгъыст адӕм сты»+. 50 Фарисейтӕй сӕ иу, Никодим, уымӕй размӕ Йесомӕ чи ’рбацыд, уый та сын загъта: 51 «Нӕ закъонмӕ гӕсгӕ, адӕймагӕн цалынмӕ йӕхимӕ нӕ байхъусай+ ӕмӕ, цы гӕнӕг у, уый нӕ базонай, уӕдмӕ йын тӕрхон кӕнӕн ис?» 52 Уыдон та йын загътой: «Ды дӕр Галилейӕйӕ дӕ, ӕви? Ӕркӕс Фыстадмӕ ӕмӕ йӕ фендзынӕ, иу пехуымпар+ дӕр Галилейӕйӕ кӕй нӕ рацӕудзӕн».
Рагон ӕмӕ ӕууӕнчы аккаг къухфыстытӕй кӕцыдӕрты нӕй 53-ӕм стихӕй 8-ӕм сӕры 11-ӕм стихмӕ. Уыцы стихты (ӕндӕр ӕмӕ ӕндӕр грекъаг текстыты ӕмӕ тӕлмацты гыццыл ивындзинӕдтимӕ) ис ахӕм ныхӕстӕ:
53 Ӕмӕ сӕ алчидӕр йӕ хӕдзармӕ ацыди.