Иоанны

1 Райдианы+ уыди Дзырд+, ӕмӕ Дзырд уыди Хуыцауимӕ+, ӕмӕ Дзырд уыди хуыцау*+. 2 Уый райдианы+ уыди Хуыцауимӕ+. 3 Ӕппӕт дӕр уый фӕрцы фӕзынд+, ӕмӕ ӕнӕ уымӕй ницы фӕзынд.

4 Уый фӕрцы цы фӕзынд, уый уыди цард+, ӕмӕ уыцы цард адӕмӕн уыди рухс+. 5 Ӕмӕ уыцы рухс ӕрттивы талынджы+, ӕмӕ йыл талынг нӕ тых кӕны.

6 Уӕд ӕрцыд Хуыцауӕй+ ӕрвыст лӕг, йӕ ном хуынди Иоанн+. 7 Уыцы адӕймаг ӕрцыд+, цӕмӕй рухсы тыххӕй дзырдтаид*+ ӕмӕ цӕмӕй уый уылты алыхуызон адӕм баууӕндыдаиккой+. 8 Иоанн йӕхӕдӕг нӕ уыд уыцы рухс+, фӕлӕ хъуамӕ уыцы рухсы тыххӕй дзырдтаид+.

9 Алыхуызон адӕмӕн+ рухс чи хӕссы+, уыцы ӕцӕг рухс+ тагъд хъуамӕ ӕрцыдаид дунемӕ. 10 Уый уыд дунейы+, ӕмӕ дуне уый фӕрцы фӕзынд+, фӕлӕ йӕ дуне нӕ базыдта. 11 Уый ӕрцыд йӕхи адӕммӕ, фӕлӕ йыл уыдон нӕ баууӕндыдысты+. 12 Чи йыл баууӕндыд+, ӕппӕт уыдонӕн та радта уый бар, цӕмӕй суой Хуыцауы хъӕбултӕ+, уымӕн ӕмӕ йыл* ӕууӕндыдысты+, 13 ӕмӕ уыдон туг ӕмӕ стӕгӕй кӕнӕ зӕххон адӕймаджы фӕндӕй нӕ райгуырдысты, фӕлӕ Хуыцауӕй+.

14 Гъемӕ Дзырд сси зӕххон адӕймаг+ ӕмӕ цард не ’хсӕн, ӕмӕ йын мах федтам йӕ кад – фыдӕй иунӕг фыртӕн*+ цы кад вӕййы, уыцы кад. Уый хайджын уыд стыр хорзӕхӕй ӕмӕ рӕстдзинадӕй*+. 15 Иоанн уый тыххӕй лӕууыд ӕвдисӕн, о, хъӕрӕй дзырдта. Иоанн загъта ацы ныхӕстӕ: «Мӕ фӕстӕ чи цӕуы, уый мӕ разӕй фӕци, уымӕн ӕмӕ уый уыд мӕнӕй раздӕр»+. 16 Уый не ’ппӕты дӕр бирӕ хорздзинӕдтӕй схайджын кодта+, уымӕн ӕмӕ йӕхӕдӕг дӕр хайджын уыд стыр хорзӕхӕй+. 17 Хуыцау Закъон радта Моисейы уылты+, стыр хорзӕх+ ӕмӕ рӕстдзинад+ та фӕзындысты Йесо Чырыстийы фӕрцы. 18 Адӕмӕй Хуыцауы никуы ничи федта+, фӕлӕ, Хуыцауы хуызӕн чи у ӕмӕ Фыдмӕ, цыма йӕ риуыл+ йӕхи бакъул кодта, афтӕ хӕстӕг чи у, уыцы иунӕг хъӕбул*+ нын бамбарын кодта, чи у, уый+.

19 Дзуттӕгтӕ Иерусалимӕй Иоанмӕ ӕрӕрвыстой сауджынты ӕмӕ левитты, цӕмӕй йӕ бафарстаиккой, чи дӕ, зӕгъгӕ+. 20 Ӕмӕ Иоанн ныхас иннӕрдӕм нӕ аздӕхта, фӕлӕ сын ӕргом загъта: «Ӕз Чырысти* нӕ дӕн»+. 21 Ӕмӕ йӕ уӕд бафарстой: «Уӕдӕ чи дӕ? Илийа?»+ Уый та сын загъта: «Илийа дӕр нӕ дӕн». «Мыййаг, рагӕй фӕстӕмӕ кӕмӕ ӕнхъӕлмӕ кӕсӕм, уыцы пехуымпар дӕ?»+ Ӕмӕ та сын дзуапп радта: «Уый дӕр нӕ дӕн!» 22 Уӕд ӕй бафарстой: «Уӕдӕ чи дӕ? Чи нӕ рарвыста, уыдонӕн нӕ исты зӕгъын хъӕуы. Цы зӕгъдзынӕ дӕхи тыххӕй?»+ 23 Ӕмӕ сын уӕд Иоанн загъта: «Ӕз дӕн, ӕдзӕрӕг быдыры чи хъӕр кӕны, уый хъӕлӕс: „Йегъовӕйӕн йӕ фӕндаг алӕгъз кӕнут“, пехуымпар Исай куыд загъта, афтӕ»+. 24 Уыцы адӕмы та ӕрбарвыстой фарисейтӕ. 25 Гъемӕ та йӕ бафарстой: «Уӕдӕ кӕд нӕдӕр Чырысти дӕ, нӕдӕр Илийа, нӕдӕр, рагӕй фӕстӕмӕ кӕмӕ ӕнхъӕлмӕ кӕсӕм, уыцы пехуымпар, уӕд адӕмӕн аргъуыд+ цӕмӕн дӕттыс?» 26 Иоанн сын дзуапп радта: «Ӕз аргъуыд дӕттын* донӕй. Фӕлӕ уе ’хсӕн+ ис иу чидӕр, ӕмӕ йӕ сымах нӕ зонут+. 27 Уый цӕуы мӕ фӕстӕ, фӕлӕ ӕз уымӕн йӕ дзабырты бӕттӕнтӕ райхалыны аккаг дӕр нӕ дӕн»+. 28 Ацы хабӕрттӕ ӕрцыдысты Вифанийы, Иорданы фаллаг фарс, Иоанн адӕмӕн донаргъуыд кӕм лӕвӕрдта, уым+.

29 Иннӕ бон Иоанн федта Йесойы ӕрбацӕйцӕугӕ ӕмӕ загъта: «Уӕртӕ Хуыцауы Уӕрыкк+, уый дунейы тӕригъӕдтӕ+ ахӕсдзӕн!+ 30 Амӕй уын дзырдтон, зӕгъгӕ, мӕ фӕстӕ цӕуы, мӕ разӕй чи фӕци, уый, уымӕн ӕмӕ уый уыд мӕнӕй раздӕр+. 31 Ӕз ӕй мӕхӕдӕг дӕр нӕ зыдтон, фӕлӕ донӕй аргъуыд дӕттынмӕ дӕр уымӕн ӕрцыдтӕн, цӕмӕй йӕ Израилы адӕм базыдтаиккой»+. 32 Иоанн ма ноджыдӕр загъта: «Ӕз федтон, Хуыцауы сыгъдӕг тых* уӕларвӕй бӕлоны хуызы куыд ӕрцӕйцыд ӕмӕ йыл куыд ӕрӕнцад+. 33 Ӕз дӕр ӕй нӕ зыдтон, фӕлӕ мӕ донӕй аргъуыд дӕттынмӕ Чи рарвыста+, уый мын загъта: „Хуыцауы сыгъдӕг тых ӕрцӕйцӕугӕ ӕмӕ ӕрӕнцайгӕ кӕуыл фенай, Хуыцауы сыгъдӕг тыхӕй аргъуыд уый дӕтдзӕн“+. 34 Ӕмӕ ӕз уыцы хабар федтон ӕмӕ ӕвдисӕн лӕууын, уый кӕй у Хуыцауы Фырт»+.

35 Уый фӕстӕ бон та Иоанн лӕууыд йӕ ахуыргӕнинӕгтӕй дыууӕимӕ 36 ӕмӕ, Йесойы фӕцӕйцӕугӕ куы федта, уӕд загъта: «Уӕртӕ Хуыцауы Уӕрыкк!»+ 37 Йӕ дыууӕ ахуыргӕнинаджы уыцы ныхӕстӕ куы фехъуыстой, уӕд Йесойы фӕдыл ацыдысты. 38 Йесо разылд ӕмӕ сӕ йӕ фӕдыл цӕугӕ куы федта, уӕд сӕ бафарста: «Цы уӕ хъӕуы?» Уыдон ын дзуапп радтой: «Равви*, кӕм ӕрлӕууыдтӕ?» 39 Уый сын загъта: «Рацӕут, ӕмӕ йӕ фендзыстут»+. Гъемӕ уыдон дӕр ацыдысты ӕмӕ, кӕм ӕрлӕууыд, уый федтой, ӕмӕ уыцы бон уыдон дӕр йемӕ баззадысты. Уый уыди дӕсӕм сахатыл*. 40 Иоанны ныхӕстӕ чи фехъуыста ӕмӕ Йесойы фӕдыл чи ацыд, уыцы дыууӕйӕ сӕ иу уыди Андрей+, Симон Петры ӕфсымӕр. 41 Ӕмӕ уал фыццаг йе ’фсымӕр Симоны бацагуырдта ӕмӕ йын загъта: «Мах ссардтам Мессийӕйы»+ (грекъагау «Чырысти»)+. 42 Ӕмӕ йӕ Йесомӕ ӕрбакодта. Йесо йӕм бакаст+ ӕмӕ йын загъта: «Ды дӕ Иоанны+ фырт Симон+. Хондзысты дӕ Кифӕ» (грекъагау «Петр»)+.

43 Иннӕ бон Йесо сфӕнд кодта Галилейӕмӕ ацӕуын. Гъемӕ Филиппы+ бацагуырдта ӕмӕ йын загъта: «Мӕ фӕдыл рацу»+. 44 Филипп уыди Вифсаидӕйӕ+, Андрей ӕмӕ Петр кӕцӕй уыдысты, уыцы горӕтӕй. 45 Уӕд Филипп та бацагуырдта Нафанаилы+ ӕмӕ йын загъта: «Мах ссардтам, Моисей Закъоны+ кӕй тыххӕй фыста ӕмӕ Пехуымпарты+ чингуыты кӕй тыххӕй ис фыст, уый – назаретаг Йесойы, Иосифы+ фырты». 46 Фӕлӕ йын Нафанаил загъта: «Назаретӕй хорзӕй исты рацӕуа?»+ Ӕмӕ йын уӕд Филипп загъта: «Ацу ӕмӕ йӕ дӕхӕдӕг фен». 47 Йесо Нафанаилы ӕрбацӕйцӕугӕ куы федта, уӕд загъта: «Ай у ӕцӕг израилаг, хиндзинад кӕмӕ нӕй, уый»+. 48 Нафанаил та йӕ бафарста: «Кӕцӕй мӕ зоныс?» Йесо йын загъта: «Филипп дӕм куы нӕма фӕдзырдта, уӕдмӕ дӕр дӕ федтон, легъуибӕласы бын куы уыдтӕ, уӕд». 49 Ӕмӕ йын уӕд Нафанаил загъта: «Ахуыргӕнӕг, ды дӕ Хуыцауы Фырт+, ды дӕ Израилы Паддзах+». 50 Йесо та йын загъта: «Афтӕ дын кӕй загътон, легъуибӕласы бын дӕ федтон, зӕгъгӕ, уый тыххӕй мыл баууӕндыдтӕ? Ды уымӕй стырдӕр диссӕгтӕ фендзынӕ». 51 Ӕмӕ ма йын ноджыдӕр загъта: «Ӕцӕг цы у, уый уын зӕгъын: сымах фендзыстут арвы дуар гомӕй ӕмӕ Хуыцауы зӕдты+ уырдӕм сцӕйцӕугӕ ӕмӕ Адӕймаджы Фыртмӕ ӕрцӕйцӕугӕ»+.