Амонӕгӕн. Корейы фыртты псалом. Зарӕг.
85 Дӕуӕн, о Йегъовӕ, дӕ зӕхх хӕссы циндзинад+,
Ды фӕстӕмӕ раздӕхтай, Иаковы фырттӕй уацары чи уыди, уыдоны+.
2 Дӕ адӕмӕн сӕ рӕдыд ныббарстай+,
Сӕ тӕригъӕд сын иууылдӕр ныххатыр кодтай+. (Села́)
3 Ды дӕ маст иууылдӕр баурӕдтай+,
Нӕ сыл ныккалдтай дӕ судзгӕ маст+.
4 Фӕстӕмӕ нӕ ӕрӕмбырд кӕн, о нӕ ирвӕзынгӕнӕг Хуыцау+,
Ӕмӕ нӕм мауал мӕсты кӕн+.
5 Ӕнустӕм нӕм судздзынӕ мӕстӕй?+
Дӕ маст ныл фӕлтӕрӕй-фӕлтӕрмӕ калдзынӕ?+
6 Ау, фӕстӕмӕ нӕ цард нӕ бауадздзынӕ+,
Цӕмӕй дӕ адӕмӕн ды уай сӕ цин?+
7 Бахай нын кӕн, о Йегъовӕ, де ’нувыд уарзтӕй+
Ӕмӕ нӕ фервӕзын кӕн+.
8 Ӕз фехъусдзынӕн, ӕцӕг Хуыцау Йегъовӕ цы зӕгъдзӕн, уый+.
Уый зӕгъдзӕн, йӕ адӕммӕ ӕмӕ йӕ иузӕрдион лӕггадгӕнджытӕм кӕй уыдзӕн фарн+.
Фӕлӕ та сӕхицӕй ныфсджын ма суӕнт+.
9 Чи дзы тӕрсы, уыдонмӕ йӕ ирвӕзындзинад хӕстӕг у+,
Ӕмӕ нӕ зӕххыл цӕры кад+.
10 Ӕнувыд уарзт ӕмӕ ӕцӕгдзинад кӕрӕдзийыл фембӕлдысты+,
Рӕстдзинад ӕмӕ фарн кӕрӕдзийӕн апъа кодтой+.
11 Ӕцӕгдзинад зӕххӕй тау суадздзӕн+,
Ӕмӕ рӕстдзинад ӕркӕсдзӕн уӕларвӕй+.
12 Йегъовӕ нын ратдзӕн хорздзинӕдтӕ+,
Ӕмӕ нӕ зӕхх тыллӕг ратдзӕн+.
13 Йӕ разӕй цӕудзӕн рӕстдзинад+
Ӕмӕ йӕ къахвӕдтыл акӕндзӕн фӕндаг+.