Дыккаг закъон

32 «Уӕлӕрвтӕ, уӕ хъус ӕрдарут, цы дзурдзынӕн, уымӕ.

Зӕхх, мӕ ныхӕстӕм мын байхъус+.

  2 Мӕ зондамындтӕ уардзысты къӕвдайау+,

Мӕ ныхӕстӕ кӕлдзысты ӕртӕхау+.

Уыдзысты, кӕрдӕгыл фӕлмӕн къӕвдатӕ куыд рацӕуа+

Ӕмӕ зайӕгойтыл – тӕрккъӕвдатӕ, афтӕ+.

 3 Ӕз хъусын кӕндзынӕн Йегъовӕйы ном+.

Дзурут, куыд диссаджы Хуыцау у, уый тыххӕй!+

 4 Уый у Къӕдзӕх, йӕ хъуыддӕгтӕ сты ӕнӕфау+,

Йӕ фӕндӕгтӕ иууылдӕр сты раст+.

Уый у ӕнувыд Хуыцау+, хӕрамӕй йӕм ницы ис+.

Уый у рӕстаг ӕмӕ рӕстзӕрдӕ Хуыцау+.

 5 Уыдон сӕхӕдӕг ныллӕууыдысты сӕфты фӕндагыл+.

Уыдон йӕ сывӕллӕттӕ не сты, сӕ аипп сӕхи аххос у+.

Хӕлд ӕмӕ зыгъуыммӕ адӕм!+

 6 Йегъовӕйӕн афтӕ цӕмӕн кӕнут+,

Ӕнӕзонд ӕмӕ ӕнӕмбаргӕ адӕм?+

Ау, уый уӕ Фыд нӕу, цард уын чи радта+,

Чи уӕ сфӕлдыста ӕмӕ уӕ къахыл фидар кӕй фӕрцы лӕууыдыстут?+

 7 Ӕрхъуыды-ма кӕн рагон замантӕ+,

Акӕс-ма фӕстӕмӕ, раздӕры фӕлтӕрты хабӕрттӕм.

Бафӕрс дӕ фыды, ӕмӕ дын ӕй зӕгъдзӕн+,

Бафӕрс зӕрӕдты, ӕмӕ дын ӕй радзурдзысты+.

 8 Иунӕг Стыр Хуыцау адӕмтыл бынтӕ куы уӕрста+,

Адамы фыртты кӕрӕдзийӕ куы хицӕн кодта+,

Уӕд адӕмтӕн сӕ арӕнтӕ сбӕрӕг кодта+,

Израилы фырттӕ цас сты, уымӕ гӕсгӕ+.

 9 Йегъовӕйӕн йӕ хай сты йӕ адӕм+,

Иаков – йӕ бынтӕ+.

10 Уый йӕ ссардта хурсыгъд быдыры+,

Ӕдзӕрӕг быдыры+, алырдыгӕй хъӕддаг сырдты ниуын кӕм хъуысы, уым.

Уый йӕ алырдыгӕй хъахъхъӕдта+ ӕмӕ йыл тыхсти+,

Хъахъхъӕдта йӕ цӕстыгагуыйау+.

11 Цӕргӕс йӕ лӕппынты ахстонӕй куыд ратӕхын кӕны,

Сӕ сӕрмӕ куыд фӕратӕх-батӕх кӕны+,

Йӕ базыртӕ куыд айвазы, йӕ лӕппынты куыд сисы

Ӕмӕ сӕ йӕ базыртыл куыд фӕхӕссы+,

12 Афтӕ Йегъовӕ дӕр кодта Иаковы+,

Ӕмӕ йемӕ ӕцӕгӕлон хуыцау нӕ уыд+.

13 Кодта йӕ зӕххы бӕрзӕндтыл+,

Ӕмӕ уый хордта зӕххы бӕркӕдтӕ+.

Лӕвӕрдта йын мыд къӕдзӕхӕй+,

Сой – фидар къӕдзӕхӕй+.

14 Лӕвӕрдта йын стурты царв ӕмӕ лыстӕг фосы ӕхсыр+,

Хӕрзхастдӕр фырытӕ,

Васайнаг фырытӕ, стӕй сӕгътӕ+

Ӕмӕ мӕнӕуы хуыздӕр+.

Ӕмӕ уый нызта сӕн, сӕнӕфсиры туг+.

15 Йешурун*+ куы снард, уӕд схивӕнд+,–

О, ды снард дӕ, фӕйнӕрдӕм фӕцыдтӕ, фырӕфсӕст бадӕ+,–

Ӕмӕ ныууагъта йе скӕнӕг Хуыцауы+,

Йӕ къух систа йӕ ирвӕзындзинады Къӕдзӕхыл+.

16 Уыдон ӕй мӕсты кодтой+, ӕцӕгӕлон хуыцӕуттӕн кӕй куывтой, уымӕй+,

Ӕфхӕрдтой йӕ се ’лгъагдзинӕдтӕй+.

17 Уыдон нывӕндтӕ Хуыцауӕн нӕ хастой, фӕлӕ хӕйрӕджытӕн+,

Кӕй нӕ зыдтой, уыцы хуыцӕуттӕн+,

Ног хуыцӕуттӕн, ӕрӕджы чи фӕзынди, уыдонӕн+,

Уӕ фыдӕлтӕ кӕй нӕ зыдтой, уыцы хуыцӕуттӕн.

18 Ды ферох кодтай дӕ Къӕдзӕхы, чи дӕ ныййардта, уый+,

Рох кӕнын райдыдтай Хуыцауы, стыр рыстытимӕ дӕ чи ныййардта, уыцы Хуыцауы+.

19 Ӕмӕ Йегъовӕ уый куы федта, уӕд ын фенад сты+,

Йӕ фырттӕ ӕмӕ йын йӕ чызджытӕ цы маст ӕвзарын кодтой, уый тыххӕй.

20 Гъемӕ загъта: „Мӕ цӕсгом сӕ бамбӕхсдзынӕн+,

Ӕмӕ йӕ фендзыстӕм, сӕ фӕстаг цӕмӕ ӕрцӕудзӕн, уый+.

Уыдон сты хӕлд адӕм*,

Иузӕрдион чи нӕу, уыцы фырттӕ+.

21 Уыдон мӕ мӕсты кодтой, хуыцӕуттӕ чи не сты, уыдонӕн кӕй куывтой, уымӕй+.

Сӕ ницӕйаг хуыцӕуттӕн кӕй табу кодтой, уымӕй мын маст ӕвзарын кодтой+.

Гъемӕ ӕз дӕр, мӕ адӕм чи не сты, уыдоны фӕрцы афтӕ бакӕндзынӕн, ӕмӕ катайы бацӕудзысты+,

Бафхӕрдзынӕн сӕ ӕнӕзонд адӕмы фӕрцы+.

22 Мӕ масты азарӕй ссыгъд пиллон арт+

Ӕмӕ судздзӕн суанг ингӕны*, тӕккӕ арфы+.

Уый аныхъуырдзӕн зӕхх ӕмӕ йыл цыдӕриддӕр зайы, уыдон+,

Ссудздзӕн хӕхты бындуртӕ+.

23 Бӕллӕхтӕ сыл ныккалдзынӕн+,

Мӕ фаттӕ сыл иууылдӕр рауадздзынӕн+.

24 Фырӕххормагӕй батайдзысты+, тӕфсӕг сӕ бадомдзӕн+,

Сӕфты къахыл ныллӕудзысты+.

Ӕз сыл сардаудзынӕн тугдзых сырдты+,

Рауадздзынӕн сыл, зӕххыл чи быры, уыцы маргджын хилджыты+.

25 Сӕ лӕппутӕ ӕмӕ сӕ чызджытӕ+,

Сӕ дзидзидай сывӕллӕттӕ ӕмӕ сӕ урссӕр зӕрӕдтӕ+

Ӕддейӕ цагъды кӕндзысты хъамайӕ+,

Мидӕгӕй та – фыртӕссӕй+.

26 Ӕз хъуамӕ загътаин: „Алырдӕмты сӕ ныххӕлиу кӕндзынӕн+.

Ӕз афтӕ бакӕндзынӕн, ӕмӕ адӕмы ’хсӕн сӕ кой дӕр нал уыдзӕн“+.

27 Фӕлӕ ӕз хъуыды кодтон, знӕгтӕ мӕ ӕфхӕрӕн ныхӕстӕ кӕй кӕндзысты+,

Сӕ фыдгултӕ уыцы хъуыддаг сӕхирдыгонау кӕй бамбардзысты, ууыл+.

Науӕд уыдон загътаиккой: „Нӕ къух тыхджындӕр разынд+,

Ӕмӕ ӕппӕт уыдӕттӕ Йегъовӕ нӕ бакодта“+.

28 Уыдон сты ахӕм адӕм, ӕмӕ хъуыды нӕ кӕнынц+,

Ӕмбаргӕдзинад сӕм нӕй+.

29 Тӕхуды, ӕмӕ зондджын куы уаиккой!+ Уӕд уыдӕттыл ахъуыды кӕниккой+.

Ахъуыды кӕниккой, сӕ фӕстаг цӕмӕ цӕуы, ууыл+.

30 Цымӕ иуӕн йӕ бон у мин адӕймаджы фӕсурын

Ӕмӕ дыууӕйӕн – дӕс мины лидзӕг фӕкӕнын?+

Нӕу! Сӕ Къӕдзӕх сӕ ма ныууадзӕд*+

Ӕмӕ сӕ Йегъовӕ се знӕгты къухмӕ ма раттӕд, ӕндӕр

31 (Уымӕн ӕмӕ махӕн цы Къӕдзӕх ис, уыдоны къӕдзӕх ахӕм нӕу+,

Ӕмӕ ууыл не знӕгтӕ дӕр сӕттынц)+.

32 Сӕ сӕнӕфсирбӕлас у Содомы сӕнӕфсирӕй,

Гоморрӕйы быдыртӕй+.

Сӕ сӕнӕфсир у маргӕйдзаг,

Сӕ цупӕлттӕ – маст+.

33 Сӕ сӕн у стыр кӕлмыты марг,

Кобрӕты сау марг+.

34 Ӕппӕт уыдӕттӕ мӕнмӕ ӕвӕрд не сты?

Ме ’вӕрӕнты не сты мыхуырӕвӕрдӕй?+

35 Мастисӕг ӕз дӕн, цы сын ӕмбӕлы, уый сын ӕз бакӕндзынӕн+.

Афон куы ’рцӕуа, уӕд сӕ къах фӕцуддзӕн+,

Уымӕн ӕмӕ се сӕфты бон ӕрхӕстӕг+,

Цы сӕм ӕнхъӕлмӕ кӕсы, уый тагъд-тагъд ӕрбацӕуы“+.

36 Йегъовӕ тӕрхон кӕндзӕн йӕ адӕмӕн+

Ӕмӕ йӕ лӕггадгӕнджытӕн фӕтӕригъӕд кӕндзӕн+,

Уымӕн ӕмӕ фендзӕн, хъару сӕм кӕй нал ис

Ӕмӕ ма сӕ чи баззад, уыдон кӕй сты ӕнӕбон ӕмӕ тӕригъӕддаг.

37 Ӕмӕ уый зӕгъдзӕн: „Кӕм сты сӕ хуыцӕуттӕ+,

Сӕ ныфс кӕуыл дардтой, уыцы къӕдзӕх+,–

38 Сӕ нывӕндты фиу сын чи хордта+

Ӕмӕ сын сӕ кувинаг нозт, сӕ сӕн, чи нызта, уыдон?+

Уыдон сыстӕнт ӕмӕ уын баххуыс кӕнӕнт+.

Уыдон уын суӕнт ӕмбӕхсӕн бынат+.

39 Ныр ӕй базонут, ӕз кӕй дӕн Хуыцау+,

Ӕмӕ мӕн йеддӕмӕ ӕндӕр хуыцӕуттӕ кӕй нӕй+.

Маргӕ дӕр ӕз кӕнын ӕмӕ удӕгас дӕр ӕз кӕнын+.

Ӕз уӕззау цӕф фӕкӕндзынӕн+, ӕмӕ йӕ дзӕбӕх дӕр скӕндзынӕн+,

Ӕмӕ мӕ къухӕй ничи никӕй байсдзӕн+.

40 Мӕ къух хӕрдмӕ сисгӕйӕ сомы кӕнын+:

„Ӕз, удӕгас Хуыцау ӕнустӕм, сомы кӕнын мӕхицӕй“+.

41 Мӕ цӕхӕркалгӕ хъама куы сцыргъ кӕнон+

Ӕмӕ мӕ къух тӕрхон кӕнынмӕ куы ӕрӕвнала+,

Уӕд ме знӕгтӕй мӕ маст райсдзынӕн+,

Йе сӕфт мӕ чи уыны, уыдонӕн, цы ’мбӕлы, уый бакӕндзынӕн+.

42 Мӕ фаттӕ срасыг кӕндзынӕн тугӕй+,

Мӕрдты ӕмӕ уацайрӕгты тугӕй.

Мӕ хъама хӕрдзӕни лӕджы фыд+,

Ме знӕгты разамонджыты сӕртӕ“+.

43 Адӕмтӕ, цин кӕнут йӕ адӕмимӕ+,

Уымӕн ӕмӕ уый райсдзӕн йӕ лӕггадгӕнджыты туг+,

Йе знӕгтӕй райсдзӕн йӕ маст+

Ӕмӕ йӕ адӕмы зӕхх тӕригъӕдтӕй ссыгъдӕг кӕндзӕн».