Йереми
40 Йеремимӕ Йегъовӕйӕ уыди ныхас, хъахъхъӕнджыты хистӕр Навузардан+ ӕй Рамӕйӕ+ куы арвыста, уӕд. Навузардан ӕй куы ракодта, уӕд Йеремийы къухтыл уыди хъадамантӕ ӕмӕ уыд, Иерусалимӕй ӕмӕ Иудӕйӕ Вавилонмӕ уацары кӕй кодтой, уыцы адӕмы ’хсӕн+. 2 Хъахъхъӕнджыты хистӕр ӕй ракодта ӕмӕ йын загъта: «Дӕ Хуыцау Йегъовӕ дзырдта, ацы бынат цы бӕллӕх баййафдзӕн, уый тыххӕй+. 3 Ӕмӕ Йегъовӕ йӕ ныхас сӕххӕст кодта, куыддӕриддӕр загъта, афтӕ бакодта, уымӕн ӕмӕ сымах Йегъовӕйы раз тӕригъӕдджын хъуыддӕгтӕ арӕзтат ӕмӕ йын йӕ ныхасмӕ нӕ хъуыстат. Ӕмӕ уыл адӕттӕ дӕр уый тыххӕй ӕрцыдысты+. 4 Абон дын ӕз дӕ къухтӕй дӕ хъадамантӕ раппӕрстон. Кӕд дӕ фӕнды, уӕд мемӕ Вавилонмӕ рацу, ӕмӕ дӕм ӕз мӕ цӕст дардзынӕн+. Кӕд дӕ нӕ фӕнды, уӕд та лӕуу. Мӕнӕ, ӕгас зӕхх дӕр ис дӕ разы, ӕмӕ дӕ кӕдӕм фӕнды ӕмӕ дын хуыздӕр кӕм уыдзӕн, уырдӕм ацу»+.
5 Йереми, аздӕха ӕви нӕ, ууыл куы хъуыды кодта, уӕд ын Навузардан загъта: «Аздӕх Гедалимӕ+, Шафанӕн+ йӕ фырт Ахикамы+ фыртмӕ, Вавилоны паддзах Иудӕйы горӕтты сӕргъы кӕй сӕвӕрдта, уымӕ, ӕмӕ йемӕ адӕмы ’хсӕн цӕр. Кӕнӕ та дын хуыздӕр кӕм уыдзӕн, уырдӕм ацу»+.
Стӕй йын хъахъхъӕнджыты хистӕр хӕринаг ӕмӕ лӕвӕрттӕ радта ӕмӕ йӕ ауагъта+. 6 Йереми ӕрцыд Ахикамы фырт Гедалимӕ+, Массифӕмӕ+, ӕмӕ йемӕ цард, уыцы зӕххыл ма чи баззад, уыцы адӕмы ’хсӕн.
7 Цасдӕры фӕстӕ, быдырты чи уыд, уыцы ӕфсады хистӕртӕ+ ӕмӕ сӕ адӕм фехъуыстой, Вавилоны паддзах уыцы бӕстӕйы сӕргъы кӕй сӕвӕрдта Ахикамы фырт Гедалийы ӕмӕ йын йӕ бар кӕй бакодта, Вавилонмӕ уацары кӕй нӕ акодтой, уыцы нӕлгоймӕгты, сылгоймӕгты, сывӕллӕтты ӕмӕ уыцы бӕстӕйы мӕгуыр адӕмы+. 8 Ӕмӕ уӕд Гедалимӕ Массифӕмӕ ӕрбацыдысты Нефанийы фырт Измаил+, Карейы фырттӕ Иоханан+ ӕмӕ Ионафан, Танхумефы фырт Серайӕ, нетофафаг+ Офийы фырттӕ, стӕй ма маахӕйаджы+ фырт Иазани+ ӕмӕ сӕ адӕм+. 9 Ӕмӕ сын Гедали+, Шафанӕн+ йӕ фырт Ахикамы+ фырт, сӕхицӕн дӕр ӕмӕ сӕ адӕмӕн дӕр расомы кодта+ ӕмӕ сын загъта: «Ма тӕрсут, лӕггад кӕнут халдейтӕн. Цӕрут ацы зӕххыл ӕмӕ Вавилоны паддзахӕн лӕггад кӕнут, ӕмӕ алцыдӕр уыдзӕн хорз+. 10 Ӕз та цӕрдзынӕн Массифӕйы+ ӕмӕ-иу нӕм халдейтӕй чи ’рбацӕуа, уыдонимӕ уӕ номӕй ныхас кӕндзынӕн. Сымах та сӕн+ аразут, сӕрдыгон дыргътӕ ӕмбырд кӕнут, сой лӕмарут, мигӕнӕнты сӕ ӕфснайут ӕмӕ, цы горӕтты ӕрбынат кодтат, уыдоны цӕрут».
11 Моавы зӕххыл, Аммоны фыртты ’хсӕн ӕмӕ Едомы зӕххыл, стӕй ӕппӕт иннӕ бӕстӕты дӕр чи цард+, уыцы дзуттӕгтӕ иууылдӕр фехъуыстой, Вавилоны паддзах Иудӕйы кӕйдӕрты кӕй ныууагъта ӕмӕ сын сӕ сӕргъы кӕй сӕвӕрдта Гедалийы+, Шафанӕн йӕ фырт Ахикамы фырты. 12 Ӕмӕ дзуттӕгтӕ, цы бӕстӕтыл ныххӕлиу сты, уырдыгӕй фӕстӕмӕ Иудӕйы зӕхмӕ здӕхын райдыдтой ӕмӕ Гедалимӕ Массифӕмӕ+ цыдысты. Ӕмӕ райдыдтой сӕн аразын ӕмӕ сӕрдыгон дыргътӕ ӕфснайын, ӕмӕ сын рауадысты тынг бирӕ.
13 Карейы+ фырт Иоханан+ ӕмӕ, быдырты чи уыд, уыцы ӕфсады хистӕртӕ+ иууылдӕр Гедалимӕ Массифӕмӕ ӕрбацыдысты 14 ӕмӕ йын загътой: «Зоныс ӕй, Аммоны+ фыртты паддзах Ваалис Нефанийы+ фырт Измаилы+ дӕу амарынмӕ кӕй рарвыста?» Фӕлӕ сыл Ахикамы фырт Гедали нӕ баууӕндыд+.
15 Карейы фырт Иоханан+ Гедалийӕн Массифӕйы хибар ран загъта: «Ӕз хъуамӕ ацӕуон ӕмӕ Нефанийы фырт Измаилы амарон, иу адӕймаг дӕр ӕй куыд нӕ базона, афтӕ+. Уый афтӕ ныууадзӕн нӕй, науӕд дӕ амардзӕн, ӕмӕ дӕм Иудӕйӕ чи цӕуы, уыцы адӕм ныппырх уыдзысты ӕмӕ ма Иудӕйӕ чи баззад, уыдон фесӕфдзысты»+. 16 Фӕлӕ Ахикамы+ фырт Гедали+ Карейы фырт Иохананӕн загъта: «Ма бакӕн афтӕ. Ды Измаилӕй мӕнг ныхӕстӕ кӕныс»+.